Neymar dëshiron Barcelonën e është i gatshëm për gjithcka vetëm për tu kthyer të veshë fanellën blaugrana. Sipas El Mundo Deportivo kampioni brazilian ka refuzuar 100 milionë euro nga PSG, një shifër që klubi i Al-Khelaifi i ka propozuar për të rinovuar, pa rritje, kontratën aktuale në skadencë në 2022. Në Spanjë janë të sigurtë se O’Ney mezi pret të luajë përsëri me Messi e të tjerët e për të arritur qëllimin e tij është i hatshëm edhe të përgjysmojë pagën.
Aktualisht Neymar përfiton rreth 50 milionë euro në vit, mes pagës e bonusit të lidhur me rolin e tij si njeriu imazh i National Bank of Qatar. Barcellona, ndërkohë, nuk i ofron dot më shumë se atë që merrte në 2017, në verën e lamtumirës së tij, praktikisht 20 milionë. Një sakrificë ekonomike e rëndësishme, që braziliani është i gatshëm ta pranojë.
Kriza e lidhur me pandeminë e Covid-19 po ridimensionon shumë kapacitetin e shpenzimeve, edhe të klubeve që zakonisht janë mësuar të investojnë shifra të përbindshme. Në Spanjë vlerësojnë që nëse Neymar duhet ti shfaqë PSG dëshirën e tij për tu larguar, Barça duhet të ketë gati 180 milionë euro për ta risjellë në Camp Nou.