Data 5 maj vazhdon të ndajë tifozët bardhezinj me ata zikaltër. Për Juventus mbetet për gjithnjë dita e titullit numër 26, që erdhi me fitoren kundër Udinese e njëkohësisht humbjen e Inter kundër Lazios në javën e fundit, në një nga përmbysjet më të jashtëzakonshme të historisë së Serie A. Për Inter, ndërkohë, përfaqëson ditën e fitores së Kupës së Italisë 2010, shkalla e parë në ngjitjen e asaj “Triplete” që mbetet edhe sot një arritje e pabarazuar në Itali.
Përplasjet e tifozëve në rrjetet sociale, 18 vjet nga i pari i dy episodeve, nuk kanë munguar edhe në këtë përvjetor, që është pasuruar edhe më shumë nga një batutë e kundërbatutë: Juventus ka publikuar një sintezë video të asaj pasdite të paharrueshme, me festimet e Del Piero, Conte e të tjerëve në përfundim të takimit. Atë në të cilën, Materazzi i përlotur i ankohej lojtarëve të Lazios përse nuk toleruan, duke i kujtuar fitoren që i pati dhënë kur luante me Perugia, duke mundur bardhezinjtë në javën e fundit…
Buon #5maggio, bianconeri! ❤️
Il vostro ricordo di QUELLO Scudetto? pic.twitter.com/9vjbuvfks5
— JuventusFC (@juventusfc) May 5, 2020
Ndoshta edhe për këtë fakt, ish-mbrojtësi, nga ana tjetër, është përgjigjur në mënyrën e tij, duke postuar fotot e finales së Kupës e duke e kujtuar si “lindja e Tripletës sonë, mbrëmja që nuk ka mbaruar ende e ëndërrës tuaj më të keqe”. Në fund, edhe kjo është e bukura e futbollit…
E a chi ha già attaccato il disco del 5 maggio 2002 ricordo solo il 5 maggio 2010: l’alba del nostro Triplete, la notte che non è ancora finita del vostro peggiore incubo… 5/5/2010 • ??? #RomaInter #CoppaItalia #2010 #Triplete @Inter ?? pic.twitter.com/lPqVFCmH9U
— Marco Materazzi (@iomatrix23) May 5, 2020