Për herë të dytë këtë muaj, ish-kampioni i botës në peshat e rënda në boks ka postuar stërvitjen e tij me furinë e grushteve të lëshuara mbi trajnerin e tij të sparingut. Edhe në moshën 53 vjecare, Tyson ende lëviz në mënyrën që impresionoi botën në vitet e dominimit të tij të ringut profesionist. E në fund të videos, Tyson shprehu dy fjalët magjike, “U ktheva.”
Gjatë një direkte në Instagram Live, bashkë me rapper T.I., Tyson bëri të ditur se ka gati rikthimin në ring për një ndeshje shfaqje, të ardhurat e të cilës do të shkojnë për bamirësi: “Jam duke u stërvitur, po mundohem të ngjitem në ring” – ka thënë Tyson – “Dua të jem në gjendje të bëj tre apo katër raunde për cështje bamirësie”.