Të dhënat preliminare të një sondazhi mjekësor për popullsinë hungareze kanë sugjeruar se rreth 1 për qind e banorëve të Hungarisë ka pasur koronavirus.
Nga 8,700 persona të testuar, vetëm dy kanë rezultuar pozitivë, derisa nëntë veçse kanë kaluar virusin.
Statistikat zyrtare në Hungari kanë treguar se 3,300 persona kanë pasur virusin, ndërsa 425 kanë vdekur.
Sondazhi tregon se në mes të 0,27 për qind deri në 1.1 për qind e popullsisë besohet se ka pasur virusin – apo 22,000 deri në 93,000 persona në mesin e 8.3 milionë hungarezëve të moshës 14-vjeçare e tutje.
Hungaria është një prej shteteve të prekura më së paku me koronavirus, mirëpo qeveria e këtij shteti ka miratuar masa të rrepta, duke përfshirë vendimin për të udhëhequr me dekret, derisa të shfuqizohet vendimi për gjendje të jashtëzakonshme.
Kryeministri hungarez, Viktor Orban ka thënë se masat kanë qenë të domosdoshme “për t’u përgatitur për më të keqen dhe për të shpresuar për më të mirën”.
Ai ka urdhëruar që 36,000 nga 65,000 shtretërit e spitaleve, të përgatiten për pacientë me koronavirus.
Deri më tani nuk janë mbushur as 1,000 prej tyre në kohën e njëjtë./rel
Pu ,pu pu , çfarë diktatori paska qenë ky Orbani i Hungarisë.
Paska përgatitur për hungarezët 36 mijë shtretër spitalorë për ti dalë përpara ndonjë përhapje masive të pandemisë.
Si nuk mori shembull nga qeveritë socialiste si ajo e Shqipërisë, që të mbyllte tërë qytetarët për tu vetëmjekuar në shtëpie të ngrinte vetëm në Budapest një spital me 40 shtretër ?