Zlatan Ibrahimovic është kthyer në Milano pasi kaloi periudhën e izolimit në shtëpinë e tij në Suedi për të qenë me familjen e të stërvitej me Hammarby, skuadrën e klubit që zotëron një pjesë të kuotave aksionere, por përpara se të kthehej në Itali për të rifilluar të stërvitet në fushë, ka përfunduar në qendër të vëmendjes në atdhe: sulmuesi suedez është gjobitur për faktin se ka drejtuar makinën e tij Ferrari Monza SP2, pa autorizimin e nevojshëm.
Makina e zezë me interior të kuq që ishte dhuratë për veten në 30 vjetorin e lindjes e që kushtoi 1,6 milionë euro (janë vetëm 499 ekzemplarë në gjithë botën), nuk rezultonte në fakt ende e regjistruar e kështu nuk i lejohej të ecte në rrugët e Stokholmit si bëri Ibrahimovic. E ka shpjeguar situatën drejtori i Agjensisë së transporteve suedez, Mikael Andersson: “Makina është ngrirë në 30 mars dhe ishte ende në atë gjendje. Nuk mund të ngasësh një makinë të bllokuar, mund ta shkosh vetëm deri në servisin më të afërt“.