E fejuar apo jo? Alesia Bami shuan një herë e mirë dyshimet. Lajmi i fejesës erdhi nga një deklaratë në rubrikën “Trotuar” në të cilën Alesia u shpreh se do fejohej, në kuadrin e shakasë sipas saj. Por e ftuar në emisionin “Shqipëria Live”, ajo tregoi se asgjë nuk ishte e vërtetë.
“Mjek, biznesmen apo nuk ka fare të fejuar?”, u pyet modelja dhe tha se nuk është e fejuar madje për momentin është single.
Ndër të tjer balerina tregon se nuk është bezdisur nga lajmi i fejesës por nga paragjykimet që nuk e ka krijuar vetë biznesin e saj.
“Kur hodhën baltë mbi atë që unë kam arritur vetë dhe familja ime më ka ndihmuar, normal që nuk më erdhi mirë. Në fakt fejesa nuk është se më ka bezdisur, sepse ato që e kanë parë nga fillimi e dinë që ishte shaka. Nuk ka asgjë të keqe, kur e ke bërë në plan që gjërat janë familjare.
Hedhin baltë mbi atë gjë që kam krijuar vetë kjo më bezdis, sepse është një shpifje. Mirë që nuk jam e fejuar, por kanë dashur të baltosin emrin tim. Këta e kanë kuptuar që Alesia është zemërgjërë dhe duron. Kjo është hera e fundit që duroj shpifje të tilla”, tregoi ajo.
Modelja tha se lajmi i fejesës ka mërzitur prindërit pasi njerëzit e fisit i merrnin vazhdimisht në telefon. “Në fakt kjo është për të qeshur sepse filluan telefonatat tek familja ime që e fejuat vajzën? Me pak fjalë i futa pak a shumë në sherr ato të shtëpisë me fisin. Në fakt unë i ruaj shumë traditat. Po ta keni vënë re, unë pak a shumë ditëlindjet i kam bërë si fejesa”, u shpreh ajo.