Duartrokitje e buzëqeshje në distancë, ose më nga pranë me përplasje brryli: Koronavirus ka ndryshuar mënyrën për të festuar një gol. Por në fakt, jo për të gjithë, duke qenë se dikush i ka harruar rregullat e vendosura nga protokolli…
Kështu nëse lojtarët e Wolfsburg kanë kontrolluar gëzimin e tyre, duke u mjaftuar me kërcimin në ajër e përplasjen e brrylave (e të mendosh që fituan në transfertë 1-2 një ndeshje të ekuilibruar) dhe në Dortmund pokeri është festuar në distancë, në Hoffenheim nuk ka qenë kështu. Futbollistët e Hertha janë përqafuar pas cdo goli të shënuar në portën e vendasve, duke mos u kujdesur për protokollin që duhet të respektohej në maksimum, sidomos pas rasteve pozitive gjatë tamponeve të kryera para nisjes së futbollit.