• |
ide | kryesore

Sot vetëm 2 raste pozitivë me Covid, 948 të infektuar në total

-Instant, Arkiva, Lajme, Të fundit



Një lajm i mirë sa i përket pandemisë  COVID 19 në vendin tonë. Në 24 orët e fundit janë vetëm 2 raste positive.

948 qytetarë janë të infektuar në total.

Dr. Eugena Tomini nga Instituti i Shëndetit Publik bëri me dije se në 24 orë janë testuar 168 qytetarë si të dyshuar si të prekur me Covid 19 dhe kanë rezultuar pozitivë 2 qytetarë, në Qarkun Durrës. Të shëruar janë 12 qytetarë.

NJOFTIMI 

Ju bëjmë me dije të dhënat e 24 orëve të fundit të situatës së COVID 19 në Shqipëri.
Në vend vazhdon prezenca e rasteve sporadike, prezenca e vatrave dhe nuk vërehet qarkullim i dendur në popullatë. Situata epidemiologjike në vend paraqitet e qëndrueshme, mbështetur në identifikimin e rasteve të reja, hetimin aktiv të tyre dhe numrin e pacientëve që po trajtohen në spital.

Sot është dita me numrin më të ulët të rasteve pozitive të konfirmuara, që nga fillimi i epidemisë.
Janë testuar 168 qytetarë si të dyshuar si të prekur me Covid19 dhe kanë rezultuar pozitivë 2 qytetarë, në Qarkun Durrës. Të shëruar janë 12 qytetarë.
Rastet e reja janë kontakte të personave që tashmë rezultojnë pozitivë, ndërkohë që po vazhdon hetimi epidemiologjik aktiv në terren.

Marrja në kohë e masave për distancimin fizik, vetëizolimi i ndërgjegjësuar, masat e higjienes personale dhe respiratore patën peshën kryesore ne shfaqjen e një kurbe epidemike të butë në vend.

Deri më sot janë kryer mbi 12,500 testime dhe janë konfirmuar pozitivë me COVID-19 në të gjithë vendin 948 qytetarë. Prej tyre, rreth 77% janë të shëruar.

Në vendin tonë aktualisht janë 190 persona aktivë me COVID19, kryesisht ne Tiranë, Durrës Krujë, Shkodër.

Gjendja në spitale paraqitet e qëndrueshme prej ditësh me 15 pacientë të shtruar dhe vetëm 3 prej tyre janë në terapi intensive.

Në kushtet e lehtësimit të masave, zgjerimit të fashave orare të lëvizjes, heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu.

Ministria e Shëndetësisë dhe Mbrojtjes Sociale apelon qytetarët të tregohen të përgjegjshëm, duke respektuar distancimin fizik, duke ruajtur higjienën personale, duke shmangur vizitat tek të afërmit për çdo lloj arsye, ndërsa bizneset duhet të zbatojnë protokollet strikte.
Qytetarët të jenë të kujdesshëm dhe të mos neglizhojnë shenjat e sëmundjes Covid-19, ndaj ju lutemi telefoni në numrin unik të Urgjencës Kombëtare, 127.

Për informacion në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.

COVID-19 – Statistika (18 Maj 2020)
Testime totale 12722
Raste pozitive 948
Raste të shëruara 727
Raste Aktive 190
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 69
Krujë 44
Durrës 31
Shkodër 15
Kamëz 12
Berat 10
Fier 4
Elbasan 2
Kurbin 1
Mirditë 1
Korçë 1



5 Comments

  1. Paska qene virusi ne çati te Teatrit.
    Sa u shemb, u zhduk virusi.
    Edhe njehere, biri i Enverit e mprehu shpaten o-per situaten…

  2. Po kur do ta liroje tiranen sulltani i madherishem? Po ne fundjave pse nuk le makina? Po njerezit pse nuk i le ne plazh? Nuk shikon qe vendet e tjera i hapen plazhet? Me nje kercitje te gishtave madheria e tij e vendos dhe e heq virusin sipas qejfit. O Zot

  3. sa e turpshe u be kjo pune me keto shifra ; dy dite rrjesht si me magji u rriten 18 raste ne dite , sot direkt u ul ne 2 hajde virus hajde ….iku virusi bashke me teatrin
    hajde e besoj i shifrat e ISHP po deshe

  4. mos i botoni me keto shifra Lapsi, nuk jane te besueshme me ket; kercejn dhe ulen shifrat sipas oreksit te Qeverise
    merruni me teatrin jo me keto

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *