Zoe Kravitz e cila luan gruan mace në serinë e filmave “Batman” ka shprehur shqetësimin e rrezikut të prekjes nga Koronavirusi pas rikthimit të xhirimeve.
31-vjeçarja duket se nuk është edhe aq e lumtur që po i rikthehet jetës normale pasi kur të fillojnë xhirimet do të jetë e pamundur për të ruajtur distancimin social.
Ylli i filmit që u bë e njohur në “The Big Little Lies” thotë se në set do të duhet ta prekin kur t’i rregullojnë grimin, flokët dhe gjatë veshjes së kostumit të ‘catwoman’ që kërkon orë të tëra rregullim.
“Ky film kërkon ndihmë të vazhdueshme nga stafi më shumë se çdo film tjetër pasi bëhet fjalë për një realizim me superheronj dhe sigurisht që jam e frikësuar” -tha ajo për Variety.