Jaap Stam është zyrtarisht trajneri i ri i FC Cincinnati, klub i MLS, por impakti me realitetin e ri nuk ishte nga më të mirët. Në fakt nuk ishte fare faji ish-mbrojtësit të Manchester United e Hollandës. Hollandezi është prezantuar në Twitter me foton e gabuar: në grafikë është përdorur fotografia e Tinus van Teunenbroek.
Një surprizë aspak e bukur për shtatlartin, që duhet të drejtojë një klub që nuk e dallon dot as në foto trajnerin që ka zgjedhur. E bota virtual nuk e ka falur gafën, duke nisur nga kundërshtarët e ardhshëm në fushë që kanë nisur thumbat me meme, duke i uruar mirëseardhjen në MLS “Stam”.