Andrea Bocelli pranon të ketë qënë i infektuar me Covid-19

Andrea Bocelli në një intervistë me gazetarët ka pranuar se ka qënë i infektuar me Coronavirus që prej 10 Marsit. Tenori shprehet se nuk ka patur simptoma të rënda të virusit përveçse ethe. Bocelli gjithashtu tregoi se së bashku me të e kishte kaluar virusin edhe bashkëshortja e tij. Por pas izolimit dhe përkujdesit, ata e kanë kaluar plotësisht Covid-19 dhe janë në gjendje të mirë shëndetësore. Sot, tenori shkoi në spitalin Cisanello në Pisa për të dhuruar plazmën e tij për qëllime studimi.