• |
ide | kryesore

Protestat në SHBA/ Arrestohet vajza e kryebashkiakut të New York-ut. 3 të vdekur dhe shumë agjentë të plagosur

Arkiva, Planet



Rriten protestat në Shtetet e Bashkuara të Amerikës pas vdekjes së afro-amerikanit George Floyd, krim për të cilin është arrestuar një agjent i bardhë.

Shtetrrethim në kryeqytetin Washington dhe 40 qytete të tjera, një i vdekur në Kentucky, dy të tjerë në Iowa dhe 50 agjentë të plagosur në Uashington. Garda Kombëtare e mobilizuar në 15 shtete. Të premten në mbrëmje Trump u fut në bunkerin e Shtëpisë së Bardhë.

Mes të arrestuarve në Manhattan është edhe Chiara de Blasio, vajza e kryetarit të bashkisë së New York.

Protestuesit jashtë Shtëpisë së Bardhë
Më pak se dy orë pasi hyri në fuqi shtetrrethimi, mijëra njerëz u mblodhën para Shtëpisë së Bardhë dhe policia, pas afro tre orësh, përfundoi boshatisjen e zonës. Gjatë fazës më të nxehtë të protestës, dritat që zakonisht ndriçojnë pjesën e jashtme të Shtëpisë së Bardhë u fikën.

Gaz lotsjellës dhe zjarre, 50 agjentë të plagosur

Por demonstruesit, duke sfiduar shtetrrethimin, vazhduan të patrullojnë zonën, duke bërtitur me duar të ngritura agjentëve “mos qëlloni” dhe “ju jeni kërcënimi”. Ndërsa përparuan, ata u zmbrapsën me gaz lotsjellës ose, siç raportuan disa pjesëmarrës në CNN, me plumba gome. Disa demonstrues ndezën disa zjarre dhe dëmtuan disa ndërtesa. Ka pasur përleshje të dhunshme në të cilat janë lënduar 50 agjentë të Shërbimit Sekret.

Mijëra protestues pushtojnë New York-un
Një protestë e re masive edhe në New York, ku mijëra njerëz dolën në rrugë, veçanërisht në Manhattan dhe Brooklyn. U regjistruan disa momente tensioni dhe një makinë u dogj pranë Sheshit Union.

Vajza e Bill de Blasio mes të arrestuarve
Chiara de Blasio, vajza 25-vjeçare e kryetarit të bashkisë së Nju Jorkut, u arrestua të shtunën natën në një protestë në Manhattan, shkroi New York Post, duke cituar zyrtarët e policisë. Vajza përfundoi në pranga pasi policia shpalli të paligjshëm një grumbullim midis Rrugës 12 dhe Broadway, ku kishin shpërthyer trazirat dhe makinat e forcave të sigurisë u dogjën.

Të shtëna në Iowa, dy të vrarë dhe një agjent të plagosur
Dhunë dhe gjak gjithashtu në Iowa, ku dy njerëz u vranë dhe një agjent u plagos nga të shtënat në Davenport, Iowa, gjatë demonstratave.
Shefi lokal i policisë. Paul Sikorski sqaroi se tre oficerë ranë në pritë ndërsa ishin në patrullë dhe se disa të shtëna me armë goditën makinën e tyre dhe njëri prej tyre u plagos. Policia më pas arrestoi disa persona që po iknin në një makinë. Sikorski shtoi se policia iu përgjigj dhjetëra incidenteve në qytet në të cilat u qëllua me armë zjarri. Kryetari Mike Mateson ka njoftuar një shtetrrethim nga e hëna në mbrëmje dhe do t’i kërkojë Guvernatorit Kim Reynolds të mobilizojë Gardën Kombëtare.



2 Comments

  1. Denis Dyrnjaja, nje tapir gazetarie, pyeste Andi Bushatin ne Top Talk te dates 2.6.2020 se a mos shkon edhe Shqiperia ne gjendjen e Amerikes po te kete trazira politike???
    Bushati qe ia kthen se nuk mund te hiqen paralele, pasi eshte ne sfond sjellja raciste ne SHBA dhe nje situate tjeter ne Shqiperi….

  2. Nuk ka ne bot as drejtsi as demokraci veq tradhti, vrasje, edhe kurvni, hajni edhe vota ne ter boten dul e rrejshme, si kur ne kosoven ton te shkret ne kujna duar ka mbet qe sa vjet, si kur turqija na masakroj, na kalli, na dhunoj, plaqkiti, na deboj trojet na i coptoj, edhe serbija qe 200 vjet ni soj, qe faktet qe prej vitit 1945 edhe deri me sot ku jon, edhe kerush te drejten nuk e mbron se ton jon tradhtar, vrsa, edhe hajna ne qeveri jon, edhe ne te gjitha stucijonet e kosoves jon, pro serb, rus, franqez, edhe pro turq, edhe nuk jon ngusht as per komb, as per shtet, veq qysh me mbrojt bothen e vet, prej tradhtive, vrasjeve, edhe Prej korupsjoneve, kryesor jon klika e thaqit, edhe isa mustaf coftani shkumani belbani sarillani shoku i rrahmon morines edhe i klikes te millosheviqit, etj etj

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *