Policia e Shtetit dhe agjentët anti-drogë po zhvillojnë një aksion anti-drogë në Fier. Mësohet se në aksion janë angazhuar mbi 100 punonjës policie dhe disa dronë.
Policia njofton se deri në zonën e Pishporos pas aksionit disa-orësh nuk u konstatua asnjë bimë kanabisi. Ndërsa në Cakran është konstatuar një rast tentative për kultivim, ku është arrestuar 27-vjeçari F. M.
Çfarë thotë policia:
Vijon kontrolli masiv i territorit për parandalimin e kultivimit të bimëve narkotike.
Policia e Shtetit po përdor dronët për monitorimin e zonave të thella e pyjore.
Gjatë kontrollit të territorit janë angazhuar mbi 100 punonjës policie dhe disa dronë.
Agjentët e Antidrogës dhe shërbime të tjera policore kontrolluan zonën e Pishporos për disa orë, nga toka dhe me dronë inteligjentë dhe nuk u gjet asnjë bimë e kultivuar.
Ndërsa gjatë kontrollit të ushtruar në zonën e Cakranit u konstatua një rast tentative kultivimi. Policia ka vënë në pranga shtetasin F. M., 27 vjeç, pasi në oborrin e banesës së tij janë evidentuar 30 fidanë në kubikë, në tentativë për t’i kultivuar në tokë.
Kontrolli i territorit do të vijojë pa ndërprerë duke kontrolluar çdo cep të territorit dhe në zonat më të largëta, falë përdorimit të flotës së dronëve dhe helikopterëve.
#ShqipëriPaKanabis
Epo ne qofte se kerkojne ne Plazh te Madh te Durresit….. apo te kodrat e liqenit ne Tirane…..
Qekan knoq policat….patjeter dhe kryepolicat ambasadat surreli . ka per te tere.