David i ka përmirësuar aftësitë e tij në kuzhinë gjatë periudhës së karantinës.
Po flitet që ish-futbollisti David Beckham është në bisedime me BBC dhe Netflix për krijimin e një emisioni të gatimit i cili do të zhvillohej nga kompania e tij, “Studio 99”, shkruajnë mediat e huaja.
E gjithë kjo ide besohet se lindi pasi aftësitë e tij në kuzhinë janë përmirësuar dukshëm gjatë periudhës në karantinë. “Një prej dobive të rastësishme të karantinës për Davidin, ishte mundësia për ta bërë atë që e pëlqen më së shumti, e që është gatimi. Ai i ka rikrijuar disa prej recetave të vjetra të nënës së tij, dhe së fundmi si dhuratë për ditëlindje i ka pranuar shumë enë të kuzhinës”, citohet të ketë thënë një burim i afërt i Beckhamit, për The Sun.