Stuhia e shiut pasditen e kësaj të mërkure shkaktoi problem të shumta në aksin Elbasan – Librazhd. ARRSH njofton se ka pasur reshje me intesitet shumë të lartë në këtë aks dhe për pasojë pati dhe rënie gurësh në rrugë.
Sipas ARRSH, kompania e mirëmbajtjes është ndodhur menjëherë në terren dhe po punohet në gjithë gjatësinë me fadroma dhe punëtorë. Rruga është bërë e kalueshme vetëm në një korsi. Burime të lapsi.al thonë se trafiku i makinave është bërë kilometrik.