Ka mbushur prej pak kohësh 16 vjec, nuk ka debutuar ende në skuadrën e parë, por ka një klauzolë zgjidhëse të kontratës prej 300 milionë reais, rreth 50 milionë euro. Është Matheus Nascimento, sulmuesi i datëlindjes 2004 të Botafogo, që sapo ka firmosur kontratën e tij të parë si profesionist, duke u lidhur me klubin e Rios deri në 2023. Në rrugëtimin e tij me moshat ka shënuar dicka të tillë si 150 gola e tani, në Alvinegro, të gjithë urojnë se mund të përsëritet mes të mëdhenjve.
Nascimento ka fituar një Sudamericano Under 15 me Seleçao, duke i tërhequr të tijtë tek triumfi falë 4 golave e shumë veprimeve spektakolare. Është një djathtosh natyral, por di të luajë me të dy këmbët, duke e bërë që të luajë në gjithë frontin pa i dhënë pika referimi kundërshtarëve, si i kërkohet tashmë sulmuesve modernë.
Në Brazil ka shumë popullaritet, jo vetëm për talentin e tij, por edhe look-un e vecantë me flokët në stilin e viteve ’70. Botafogo ka besuar shumë tek ai që kur ishte 11 vjec e tani pret me besim shpërthimin e tij përfundimtar. Sapo të rifillojë futbolli në Brazil, Nascimento do të nisë stërvitjen me skuadrën e parë nën urdhërat e teknikut Paulo Autuori.