Një lojtar i Norwich City është një nga dy personat e rezultuar pozitiv me Koronavirus pas raundit të fundit prej 1.200 testesh në prag të rinisjes së Premier League. Testet janë zhvilluar të enjten e të premten e pikërisht atë ditë Norëich ka luajtur një miqësore në Tottenham Hotspur Stadium, në të cilën ka mundur skuadrën e Mourinhos, që është shqetësuar nga ky pozitivitet i shfaqur. E megjithatë, skuadra e Mourinhos ka konfirmuar se nuk ka asnjë lojtar pozitiv në teste e ka shpjeguar se lojtari i Norwich nuk “ka patur kontakte të afërta” me skuadrën e tij.
Lojtari, të cilit nuk i është bërë publik emri, tani do të izolohet për shtatë ditë. Premier League do të rifillojë me dyer të mbyllura në 17 qershor e Norwich, i fundi në klasifikim, do të debutojë kundër Southampton të premten në 19 qershor. Në total janë 16 rastet pozitive në 8.687 teste të kryera mes klubeve të Premier League.