Një 73-vjeçare nga Elbasani, e infektuar me Covid-19 rreth një javë më parë, është transportuar me urgjencë drejt spitalit Infektiv në Tiranë, pasi gjendja e saj shëndetësore është rënduar. Ajo ka shfaqur probleme me frymëmarrjen në orët e pasdites së sotme. Mësohet se 73-vjeçarja u infektua me Covid-19 gjatë një ceremonie mortore ku mori pjesë në Tiranë. Ministria e Shëndetësisë deklaroi sot 82 raste me koronavirus të zbuluara në 24 orët e fundit, si dhe humbjen e jetës së një 68-vjeçari nga Kruja.