Asnjë motiv për të patur presion, por një shqetësim të madh port ë mos pësuar fundin e Luftëtarit. Kjo është ajo që kalon nëpër mendjet e futbollistëve të Flamurtarit, në vigjilje të sfidës me Partizanin, për javën e 30 të Superiores. 8-1 me të cilin të kuqtë përmirësuan golavarazhin është një rezultat që në Vlorë nuk do ta arrijnë ta kapërcejnë dot, duke e bërë rënien zyrtarisht nga Kategoria të dy javëve më parë edhe më të rëndë.
Kuqezinjtë janë duke kryer përgatitjet e fundit përpara ndeshjes së të premtes, por askush nuk dëshiron ti vendosë fytyrën situatës, që tentojnë ta evitojnë duke mos folur. Në seancën e fundit stërvitore, Troisi i ka kushtuar më shumë vëmendje anës fizike, duke shpresuar që përmes saj të reduktojë diferencën në kualitet me skuadrën e Sormanit.
Për Flamurtarin kthehet në formacion Pjeshka, por në anën tjetër vlonjatët do të kenë mungesën e Mucollarit për shumë kartonësh. Ajo që mban në tension teknikun brazilian është gjendja fizike e sulmuesit më të rëndësishëm të skuadrës, Xhevahir Sukaj. Shkodrani duket në vijën e gatishmërisë, por edhe nëse bëhet gati, do të mund të luajë vetëm një pjesë loje, që për eksperiencën dhe cilësinë që ofron, për Flamurtarin vlen…