Fitorja 2-1 kundër Sampdoria afron Inter -6 pikë nga Juventus. Antonio Conte buzëqesh për rezultatin, por jo gjithcka tek zikaltrit i ka pëlqyer. “Duhet vrarë kundërshtari, sportivisht kuptohet. Si në Napoli, ku dominuam ndeshjen por barazuam 1-1 e shkuam në shtëpi. Në ndeshje krijon shumë e duhet të bësh gol, sepse mjafton një goditje këndi e futesh në telashe. Nuk është mirë të kalosh nga rasti për 3 ose 4 me zero në 2-1. E nga këtu në fund nuk do të kemi më mundësinë të gabojmë, sepse duam ti “cajmë dërrasat” të gjithëve e të luajmë për dicka të rëndësishme. Për të ngritur trofe duhet të mësosh të jesh i keq. E kur e ke mundësinë, duhet të bësh gol”.
“Jam shumë i kënaqur – vazhdon Conte për përfaqësimin e të tijve, skuadra më pëlqeu. Por përsëris, duhet më cinizëm e edhe pak më shumë kujdes në situata si ai i golit të pësuar. Eriksen bëri mirë, por mund të bënte të paktën dy gola, edhe ai duhet të jetë më konkret”.