Një profil fals në Instagram, që e shpallte veten ‘account zyrtar’ i José Maria Callejon, ka shpërthyer tërbimin e gruas së sulmuesit të Napolit, Marta Ponsati. Në një postim të gjatë, në fakt, njoftohej rinovimi me klubin napoletan, me mesazhe dashurie për skuadrën e për qytetin. Kronikat e javëve të fundit, ndërkohë, rrëfejnë një tjetër histori: anësori spanjoll është gati e sigurtë se do të largohet nga klubi i De Laurentiis në fund të sezonit e nervozizmi i të shoqes e konfirmon në mënyrë indirekte: “Ky profil është një fals – ka nënvizuar ajo në një story – Sa pak e njeh José për ti vënë në gojë fjalë të tilla…”.