• |
ide | kryesore

Ish-zyrtari i Pentagonit: Pas akuzës ndaj Thaçit, takimi në Uashington duhet anuluar

-Instant, Arkiva, Lajme, Të fundit



Ish-zyrtari i Pentagonit, që ka qenë përgjegjës për Ballkanin, Michael Carpenter, ka thënë se aktakuza e paraqitur nga Prokuroria Speciale në Hagë ndaj presidentit të Kosovës, Hashim Thaçi, mund të ndikojë në dialogun e planifikuar të mbahet më 27 qershor në Uashington, ndërmjet Kosovës dhe Serbisë.

Zoti Carpenter aktualisht është drejtor menaxhues i Qendrës Penn Biden për Diplomacinë.

Zyra e Prokurorit të Specializuar, ka njoftuar të mërkurën se më 24 prill u ka dërguar Dhomave të Specializuara të Kosovës, me seli në Hagë, një aktakuzë me dhjetë pika për shqyrtim, në të cilën presidenti i Kosovës, Hashim Thaçi, kryetari i Partisë Demokratike të Kosovës, Kadri Veseli dhe të tjerë, akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura.

Në një intervistë për Radion Evropa e Lirë, Carpenter ka thënë se takimi do të duhej të anulohej..

“Unë pres që samiti të anulohet, por me administratënTrump asgjë nuk është e parashikueshme. Unë nuk mund të them me siguri se si do të reagojnë, por në këto rrethana, kështu do të duhej të reagonin”, ka thënë Carpenter.

Sipas tij, akuzat ndaj Thaçit dhe kryetarit të Partisë Demokratike të Kosovës, Kadri Veseli janë shumë serioze dhe ndikimi i tyre në dialog “do të ndodhë për faktin se presidenti Thaçi e ka udhëhequr atë për vite me radhë”.

Carpenter pret që në këto rrethana, dialogu të udhëhiqet nga kryeministri i Kosovës, Avdullah Hoti.

Në aktakuzën me dhjetë pika për shqyrtim, presidenti Thaçi, Veseli dhe të tjerët, akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura.

Në një komunikatë për media, Zyra e Prokurorit pretendon se “Hashim Thaçi, Kadri Veseli dhe të dyshuar të tjerë janë penalisht përgjegjës për afërsisht 100 vrasje të paligjshme. Krimet e paraqitura në aktakuzë përshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë”.

Ende nuk është e qartë se kush bën pjesë në grupin e “të tjerëve”, siç i ka cilësuar Zyra e prokurorit.

Aty është thënë se aktakuza është rezultat i një hetimi të gjatë dhe se një gjykatës i procedurës paraprake i Gjykatës Speciale është duke analizuar aktakuzën për të vendosur nëse do t’i konfirmojë akuzat.

Gjykata e Kosovës, e përbërë nga Dhomat e Specializuara dhe Zyra e Specializuar e Prokurorisë në Hagë, është formuar me insistimin e bashkësisë ndërkombëtare, me ndryshimet kushtetuese nga Kuvendi i Kosovës.

Gjykata është themeluar me vendimin e Kuvendit të Kosovës pas raportit të Këshillit të Evropës, të vitit 2011, në të cilin senatori zviceran Dick Marty flet për krimet e pretenduara “të pjesëtarëve të Ushtrisë Çlirimtare të Kosovës ndaj pakicave etnike dhe rivalëve politikë“, që nga janari i vitit 1998 e deri në dhjetor të vitit 2000./REL



4 Comments

  1. Faktet jane kokeforte- nuk ka per t’u anuluar!
    Me Dhjetor te 1997 apo praktikisht me 1998 Hollywood prodhonte dhe shfaqte filmin “Wag the dog” me DeNiro dhe Hoffman, ku nje president amerikan i shpallte lufte false nje vendi ballkanik(Shqiperise) vetem sepse kishte nje ‘impeachment’ ne Shba.
    15 muaj me vone, ne realitet, ne mars 1999, Nato me Shba, president i se ciles ishte Clinton i implikuar ne impeachment nga Kongresi, vendosin te bombardojne nje fqinje te Shqiperise se filmit hollywoodian…..
    MIRE BËNË! = GENOCID!

    PASS 21 VJETESH, Trump therret 1 takim te Serbise dhe Kosoves ne SHBA, PRAPE NE PRAG TE ZGJEDHJEVE PRESIDENCIALE DHE PAS NJE PERPJEKJEJE PER IMPEACHMENT……
    Veshtire te anulohet!

  2. Normal qe do te anullohet sepse prandaj u padit Thaci per kete pune, kush se kupton eshte thjesht nje idiot mavi si Ethem mut Lalaj ketu me siper

  3. Faktet jane kokeforte per ke ka sy te lexoje dhe per ke ka shpirt qe ti dhimbset
    Po Shqiperia nuk i eshte dhimbsur njeriu ndonjehere
    As shqiptareve kohet e fundit madje….i dhimbsen me shume Black Lives matter

  4. Po, duhet anuluar patjeter, sepse dhe prokurori qe paska ngritur akuzat qenka amerikan i emeruar nga administrata e trampit. Si nuk dinte gje trampi per akuzat qe prej prillit nderkohe qe e ka ftuar ne shtepine e bardh. Me te futme kjo pune me sa duket

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *