Mund të jetë punë ditësh, nëse jo orësh, për të përcaktuar kalimin e Arthur tek Juventus. Mesfushori brazilian është bindur nga oferta e bardhezinjve (5 milionë euro plus bonus në sezon) e në Torino presin përgjigjen e tij përfundimtare. Që duket e sigurtë, nëse merren për bazë fjalët e teknikut blaugrana, Quique Setien. “Sicgrisht këto zëra mund të influencojnë, do të flasim me të. Jemi të kënaqur për punën e tij e duam të mbetet i përqendruar. Por është një situatë e komplikuar, e vështirë të kalohet në këtë moment kaq delikat të sezonit”, ka thënë tekniku menjëherë pas suksesit minimal kundër Athletic Bilbao.
Juve e Barcellona kanë një akord mbi bazën e shkëmbimit gati në mënyrë të barabartë me Miralem Pjanic, që nga ana e tij shpreson në aprovimin e Arthur për tu transferuar në Liga. Boshnjaku vlerësohet 70 milionë euro, braziliani 80, por diferenca mund të plotësohet me përfshirjen e Mattia De Sciglio.
Është fakt që tashmë cështja ka mbërritur tek detajet, me operacionin që mund të mbyllet brenda 30 qershorit sidomos për motive bilanci.