Christian Panucci është nga ata që lënë zemrën aty ku kanë punuar, por në këtë rast ish-tekniku i kombëtares së Shqipërisë nuk është kthyer të flasë për kuqezinjtë, por për Romën që në këtë moment po kalon një periudhë tranzicioni. Ish-mbrojtësi verdhekuq është ndalur në dy pikë kryesore: cështjet e shoqërisë dhe ndryshimi i mundshëm i pronësisë e për merkaton me ardhjen e Pedros.
Largimi i drejtorit sportiv nuk i ka pëlqyer Panuccit, që nuk ka hezituar ta quajë një mjegullnajë: “Po bëhet e padurueshme. Më duket një mjegullnajë situatë e brendshme, duke parë edhe largimin e Petrachi. Është një pronar që nuk vjen kurrë, nuk e di cfarë ndodh e ky është një problem i madh për një vend kërkues si Roma”.
33 vjecët e Pedros nuk e kanë bërë aspak skeptik ish-teknikun e kombëtares: “Një lojtar i madh, e di se cfarë do të thotë të fitosh, cfarë do të thotë të stërvitesh për të fituar. Mund të ndihmojë shumë të rinjtë që ka Roma, është një blerje pozitive”.