• |
ide | kryesore

Ironia e fortë e mjekut me qeverinë: Kur të jem rëndë, mos ma bëni tamponin

-Instant, Arkiva, Lajme, Të fundit



Mjeku i njohur urolog, Artan Koni ka bërë një analizë të gjatë për mënyrën si qeveria shqiptare po adreson problemin e koronavirusit në vend. Koni shkruan se shqiptarët paguajnë aq taksa sa të kenë secili aspiratorin e tyre personal e jo më që në spitale të ketë mungesë të maskave, dorezave dhe materialeve të tjera.

Mjeku nënvizon se është e papranueshme që Shqipëria është vendi me më pak testime në Europë. Nënvizon se QSUT-ja është vatra më e madhe e infeksionit dhe se testimet bëhen me parimin “nuk je aq rëndë për të bërë tamponin”. Me ironi thotë se kur të jetë në gjendje të rëndë, nuk do që ta bëjë tamponin, pasi deri në atë fazë ka infektuar edhe dhjetëra persona të tjerë.

Komenti i plotë i mjekut Artan Koni

COVID-19 ne renie te lire!! Gjate 3 muajve te fundit kemi dëgjuar nga ISHP-ja se nuk ka mungese testimesh, se testimet behën fiks aq sa duhet, se gjurmimi i rasteve behet konform rregullave…nga ana tjeter kemi shifrat zyrtare te OBSH-se. Jemi vendi i fundit ne Europe per sa i perket numrit te testimeve per 1 milion banore…vetem 8941. Kroacia rreth 20.000, Bosnja Maqedonia e Greqia rreth 30.000, Serbia rreth 50.000 testime per 1 milion banore. Qeveria kishte mundësi qe gjate ketyre 3 muajve te shtonte ndjeshem kapacitetet spitalore per perballimin e situates…por shohim qe kapacitetet jane relativisht njesoj si me pare…pervec donacioneve te 5 apo 10 aspiratoreve nga disa qeveri europiane, te cilat i falenderojme sepse nuk na e kane per borxh.

Ne paguajme taksa sa per te pasur gjithsecili aspiratorin personal, jo më te kemi neper spitale mungesa mjetesh elementare si dorezat, maskat apo solucionet disinfektuese. Prisnim qe, fjala bie, fasoneria e Shkodres te ishte probabilisht vater e madhe infeksioni sepse (me demek) njerezit qe punojne aty nuk jane aq te pergjegjshem sa duhet…por pame qe vatra e infeksionit me e madhe ne vend ishte spitali i vetem universitar qe kemi. Pas 3 muajsh gjendje te jashtezakonshme dhe kufizime lirie nga me absurdet, qeveria sillet me nje strategji te pergjithshme te tipit “e ka fajin populli”.

Po ne QSUT kush e pati fajin, doktoret?? Ne keto muaj pandemie vazhduan normalisht pagesat per PPP-te si sterilizimi e inceneratoret e plehrave, apo u bene tendera te rinj per sherbime sekondare, me nje vlere te fryre. Edhe per keto populli e ka fajin ?? Me keto para, mund te ishte perballuar shume me mire e gjithe kjo situate.

Nese faji eshte vetem i popullit, perse kryeministri i Italise thirret ne prokurori per te deshmuar rreth masave te marra nga qeveria e tij? Perse kryeministri i Frances u shkarkua nga detyra dhe tani perballet me drejtesine franceze nese e ka menaxhuar sic duhet situaten e pandemise, apo jo ?? Perse prokuroria shqiptare nuk nis nje hetim te tille, perderisa numri i rasteve po shtohet frikshem?

Apo prokurorine e kemi vetem per t’ju sulur spitaleve private te cilet donin t’i benin tamponin atyre individeve qe ishin te interesuar per kete sherbim dhe 127-a i thonte “nuk je aq rende sa te besh tamponin” ?! Po normal, kur komiteti i COVID-it perbehet nga partiake dhe jo profesioniste te fushes, vetem keshtu lloj keshillash mund te presesh. Kur jam shume rende, mos ma bej tamponin fare, e kuptoj vete cfare kam…dhe nderkohe ia kam shperndare infeksionin gjithe lagjes.

Ndërkohe qe populli digjet nga COVID-i, qeveria krihet duke shpalosur projekte 3D te akseve rrugore nga me te cuditshmet. Hera e pare ne keto 40 vjet qe degjoj per aksin Milot-Fier…por nderkohe Shqiperia konsiderohet vend ku pandemia ka dale jashte kontrollit. Kjo eshte arsyeja perse 1 miliard kineze shetisin lirshem neper Europe, kurse 2 milione shqiptare nuk shkojne dot as te komshiu poshtë. Disa mund te thone “iku kjo pune tani”.

Une them “me mire vone se kurre”. Duhet urgjentisht te ngrihet nje grup pune me profesioniste jo-partiake, duhen anulluar te gjithe koncesionet jo te domosdoshme, duhet subvencionuar biznesi qe t’i zbatoje rregullat pa pasur friken e falimentimit…shkurtimisht duhet krijuar nje strategji e mirefillte te cilen qeveria ta zbatoje pa i hequr presjen. Eshte e thjeshte fare, duhet vetem vullnet politik. Per keto probleme te rendesishme duhet te ngreje zerin nje minister shendetesie i pergjegjshem.



1 Comment

  1. ” Koni shkruan se shqiptarët paguajnë aq taksa sa të kenë secili aspiratorin e tyre personal e jo më që në spitale të ketë mungesë të maskave, dorezave dhe materialeve të tjera ” Turp turp turp turp , me turp nuk ka ku te shkoje .
    Sa e turpshme per nje popull te trajtohesh si “pecent” me parate e tua . Shuuuuume e turpshme .

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *