Milan ka një tifoz më shumë se ndoshta nga nesër do të ketë edhe një lojtar të ri: Dominik Szoboszlai, objektivi i merkatos kuqezi e lojtari i preferuar i Rangnick duket se e ka zbuluar të ardhmen e tij me një veprim të thjeshtë në rrjetet sociale. Mesfushori i Salzburg ka vendosur një pëlqim në një postim në Instagram që shpërndante fitoren milaniste ndaj Lazios. Një gjest që pason shkëmbimet e pëlqimeve, gjithnjë në rrjetet sociale, mes Leaos e Szoboszlai.
Në fund të majit, sulmuesi portugez kishte komentuar me emoticon e fytyrës së dashuruar një postim të mesfushorit, që ishte përgjigjur menjëherë, duke shpërthyer zërat për transferimin e mundshëm.
Kuqezinjtë kanë lëvizur para të gjithëve për hungarezin që Rangnick e sheh si pedinë qendrore të Milanit të tij të mundshëm: klauzola prej 25 milionë euro e bën një objektiv të arritshëm dhe të përshtatshëm me projektin milanist të së ardhmes, edhe pse duhet patur kujdes se futuro anche se Szoboszlai ka shumë të interesuar në Europë.