Kanë mjaftuar vetëm dy ditë nga publikimi i një fotoje nga Ardian Bujupi, dhe aq kohë u desh për të kuptuar se cila është vajza misterioze me të cilën po bashkëpunon këngëtari. Në foto ai shfaqet pranë një femre mjaft seksi me rroba banjo trup, dhe fytyrën e fshehur nga rrezet e diellit që po perëndon! Kënga e re do të mbajë titullin “Panorama”, por Ardiani nuk e zbuloi kush është vajza, edhe pse tregoi se është nga Shqipëria. Por byzylyku te dora i nxorri zbuluar dhe fansat aluduan se vajza misterioze është Xhensila Myrtezaj. Dhe kishin shumë të drejtë, pasi artistët sapo kanë konfirmuar bashkëpunimin e tyre të dytë. Ata kanë ndarë një foto, ku shihen të dy në një tavolinë, duke darkuar teksa njoftojnë se kënga del të premten.