Çifti i popullarizuar boshnjak, Amra dhe Edin Dzeko, i kanë mahnitur ndjekësit e tyre në rrjetet sociale, me një pozë të përbashkët.
Ata shfaqen të përqafuar, ndërkohë që modelja e famshme shfaqet me kostum larjeje duke vënë në pah barkun e fryrë. “Ne të tre. Faleminderit Vincenzo Valente dhe Claudia Ferri për këtë kujtim të pabesueshëm”, ka shkruar Amra në Instagram duke përmendur fotografin dhe artisten e makijazhit që janë kujdesur në këtë realizim. Seti i ri fotografik i çiftit është bërë në shtëpinë e tyre në kryeqytetin italian, Romë, ku Dzeko është i angazhuar si futbollist. Fotografia ka marrë dhjetëra mijëra pëlqime dhe komente të shumta pozitive, si edhe urime për fëmijën në pritje.