• |
ide | kryesore

Kukësi mesazh për Kupën: Teuta shkatërrohet 3-0 në një ndeshje 10 kundër 9

-Instant, F1, Sport, Video

Fitore e rëndësishme e Kukësit, që tani mund të përqendrohet vetëm tek gjysëmfinalja e kthimit e Kupës, sepse vendin e dytë nuk ia merr dot askush, pas fitores 3-0 përballë Teutës. Suksesi në Elbasan Arena u ndërtuar që në pjesën e parë e ku vendosi ofensiva e rëndësishme e Bluve, që bëri të mos ndihej mungesa e kryegolashënuesit Shkurtaj.


Goli i shpejtë i pësuar nga Limaj në minutën e 5, përshpejtoi mbrëmjen jo për durrsakët, që bënë një pjesë të parë për tu harruar. E në fakt, pas 1-0 Kukësi bëri në fushë cfarë deshi: Cooper shënoi në të dytën ndeshje radhazi, duke mposhtur Frashërin brenda zonës, pikërisht në asist të Abazajt, në minutën e 12′.

Ganezi shënoi dygolëshin e parë me fanellën e Kukësit në minutën e 35′ në një ftesë të parefuzueshme të Abazajt, duke e cuar kuotën sezonale në 4 rrjeta. E gjithë bukuria e 45 minutave të para u prish në të dytën ku tre kartonë të kuq të treguar nga Enea Jorgji kondicionuan performancën. Në të 54 Aleksi mori kartonin e dytë të verdhë, duke shprehur gjithë tërbimin e tij ndaj Jorgjit, ndërsa edhe Beqja e pasoi në të 65, pasi u bë portieri i padeklaruar i Teutës, në tentativë për të shpëtuar golin e katërt. Karton i kuq por gol nuk ka sepse Musolli hiponotizohet nga Frashëri, që nuk kishte harruar sic duket mënyrën e ekzekutimit të ish-shokut të skuadrës.

Një ndeshje e vendosur me superioritetin e tre golave dhe dy lojtarëve më tepër, që i dhanë mundësinë Shehit trë provojë cilin të ri mundi, përpara se edhe Krasniqi të dilte me karton të kuq nga fusha, pas ndërhyrje së gabuar ndaj Çyrbjas.

Lini një Përgjigje

Adresa juaj email s’do të bëhet publike.

Kthehu