Robbie Williams ka zbuluar se ai nuk dëshironte të kishte fëmijë me gruan Ayda Field kur u takuan për herë të parë.
Këngëtari i “The Take That”, 46 vjeç, rrëfeu se ai kurrë nuk kishte dashur të bëhej baba në podcast-in e tyre, “Staying At Home With The Williamses”.
Para se të bëhej baba i katër fëmijëve, Robbie pranoi se kishte patur frikë se nuk do të kishte mundësinë të kujdesej për një fëmijë, kur nuk dinte të kujdesej për veten e tij.
Përkundër kësaj, ai më vonë u bë babi i Teddy, shtatë vjeç; Charlie, pesë vjeç; Coco, 18 muaj dhe Beau, i cili lindi këtë vit me anë të një zëvendësuesi.
Robbie e kuptoi që nuk donte të njëjtat gjëra në jetë si bashkëshortja e tij e mrekullueshme.
Robbie shpjegoi në podcast-in e tyre: “Mbaj mend që mendoja,” Oh nuk dua të njëjtën gjë si Ajda. Unë e dua atë, por nuk dua familje, për shumë arsye.”
Ai vazhdoi: “Nuk ishte një arsye egoiste, por ishte një lloj arsyeje humane kur unë jam në luftë me kokën time çdo ditë.
“Dhe kur nuk mund të kujdesem për veten time, si mund të sjell dikë në jetë?”
Megjithë mendimet dhe shqetësimet e tij fillestare për t’u bërë baba për herë të parë, Robbie ndryshoi mendim sapo pa për herë të parë djalin e tij, Teddy.
Në këtë moment këngëtari kuptoi se për çfarë ishte jeta: për të pasur një lidhje.
Ai kujtoi momentin kur ndryshoi gjithë mendësia e tij: “është momenti kur Teddy sapo më pa dhe u duk sikur universi më pa.”
Robbie mendon se përfundimisht fakti që është bërë baba dhe ka mirëpritur katër fëmijë, e ka bërë atë përgjithësisht një person më të mirë.” Jeta ime është më e plotë, unë jam më i qëndrueshëm, më prezent, më i rafinuar, më i përmbajtur”,- insistoi ai.
Ndërkohë, Ayda i tha The Times: “Unë isha e dashuruar me të. Ai ishte një njeri i dashur, i bukur dhe ishte po aq simpatik, qesharak dhe i mahnitshëm. Ai kishte zemrën time. Ai ishte shpirti im binjak.
“Ai më thoshte:” Unë nuk martohem kurrë dhe kurrë nuk dua të kem fëmijë “. Tani qeshim me këtë ”.