Tre aksidente kanë ndodhur gjatë pasdites së sotme në autostradën Tiranë-Durrës. Sipas asaj që raporton TCH, fatmirësisht deri më tani nuk është raportuar për dëme në njerëz por vetëm dëme materiale.
Në këtë aks rrugor ka një fluks të lartë automjetesh të cilët kthehen nga plazhi. Edhe gjatë paradites së sotme, në autostradë u formuan radhë të gjata trafiku si pasojë e dyndjes së qytetarëve drejt plazhit.