Policia e Tiranës ka sqaruar ngjarjen që ndodhi në mesnatë në zonën e ish-Bllokut ku mbeti i plagosur me armë zjarri një 39-vjeçar. Blutë e kryeqytetit thonë se kanë vënë në pranga autorin kryesor të dyshuar i krimit ndërsa procedim penal ka nisur edhe ndaj të plagosurit.
Mësohet se i plagosur ka mbetur Gazmir Bushaj ndërsa si autor i ngjarjes është arrestuar Rois Babasi. Sipas policisë gjithçka ndodhi rreth orës 00:30, në rrugën “Ibrahim Rugova”, ku pas një konflikti për motive të dobëta mbeti i plagosur 39 vjeçari, i cili u dërgua në spital dhe ndodhet jashtë rrezikut për jetën.
Policia thotë se u ngritën pika kontrolli, u bë krehje të zonës, si dhe u ngrit grupi hetimor për zbardhjen e plotë të ngjarjes. Policia sqaron se u arrestua në flagrancë 22-vjeçari Rois Babasi, banues në Tiranë, i dyshuar si autori kryesor i ngjarjes. Gjithashtu u procedua penalisht, për veprën penale “Plagosja e lehtë me dashje” edhe 39-vjeçari i plagosur pasi dyshohet se ka goditur me thikë në krah Babasin. ©LAPSI.al
O lapsexhiu i lapsit eshte cuni i deputetit shembullor cim babysit te pd duhet ta thonit ne lajm
E pse duhet ta thone????
Mos eshte gje cuni I ndonje socialist…
Se po te ishte, 20 artikuj do kishin shkruar.