• |
ide | kryesore

Shefi i Urgjencës Kombëtare tregon kur arrihet piku i Covid në Shqipëri

-Instant, Arkiva, Lajme, Të fundit

Fillimi i gushtit pritet të jetë piku i epidemisë së koronavirusit në Shqipëri. Të infektuarit do të jenë më të shtuar së aktualisht, e po ashtu dhe humbjet e jetës. Analiza vjen nga kreu i Urgjencës Kombëtare, Skënder Brataj, i cili i referohet jo vetëm shkeljes së masave nga qytetarët, por dhe rihapjes së transportit publik që ende nuk ka dhënë efekte në rritjen e infeksionit.

“Nuk është piku akoma ky që po shohim tani. Fillimi i gushtit do të shënojë majën e kurbës së infeksionit për shkak të lirimit të të gjitha masave. Masa e fundit e lirimit është transporti publik që nuk ka as 10 ditë që është hapur dhe kuptohet që i do 3-4 javë që nga përhapja e infeksionit, inkubacioni dhe shfaqja e shenjave të sëmundjes. Pastaj sesi do të vazhdojë piku, kjo do të varet si do të ndërgjegjësohemi ne”, tha Brataj në një intervistë për A2.


Ai shtoi se Shqipëria nuk do të shkojë më drejt një mbyllje tjetër. Izolime të pjesshme në qytete apo shërbime të caktuara mund të ndodhin vetëm nëse sistemi shëndetësor është në prag kolapsi. Por kreu i Urgjencës Kombëtare thotë se nuk do të përjetojmë situatën që kaloi Italia me koronavirusin dhe kjo për shumë arsye.

“Nuk besoj të kemi skenarin e Italisë, që nga dendësia e popullsisë, mosha, njohja e sëmundjes dhe që nga ajo që po shpresojmë të gjithë. Po bëhen gati dy vaksinat e para pas rezultateve pozitive që kanë dhënë edhe te humanët”, tha ai.

Skënder Brataj shprehet se frenimi i përhapjes se koronavirusit varet nga qytetarët dhe zbatimi i masave mbrojtëse. “Sipas një shkencëtari amerikan, nëse për dy muaj gjithë njerëzimi do të mbante maska, koronavirusi do të zhdukej. Është shumë e rëndësishme mbajtja e saj dhe sipas studimeve të tjera tregon se mund të ulë përhapjen e infeksionit në masën 70%”.

Në dy javët e para të korrikut janë rritur thirrjet drejt Urgjencës Kombëtare. Vetëm në 24 orë, në sallën operative mbërrijnë 2500 telefonata.

4 Comments

  1. Brataj, njerezia kishte disi respekte per ju, deri perpara ketyre deklaratave dhe paraqitjeve te tua te fundit ne Tv, qe konfirmojne fatkeqesisht se kemi te bejme me nje te paafte minimalisht dhe me nje hosten rilindasish te ridhjere ne rastin me te keq

  2. Ka surrat e del prape ne media ky debil!
    Vetem budallalleqe thote, pa asnje baze, c’ti vije ne mendje.
    Ik o loqe lexo ndonje liber, jo vetem statutin e PS.

  3. Ti nuk di -PIKUN-e vetes tende o vule humbur, jo me te dish pikun e pandemise ,po ike futu ne ndonje shkurre dhe mos dil me ne televizion.

  4. Tani qenka kthyer ne fallxhor…… Po testimet kur i ka parashikuar ti shtoje ? Po per tamponet e skaduar kinez kur e ka parashikuar ti zevendesoje ????

Lini një Përgjigje

Adresa juaj email s’do të bëhet publike.

Kthehu