Të jesh trajner i Barcelonës do të thotë të jesh në një presion të vazhdueshëm ku jo të gjithë janë të aftë të rezistojnë. Ndonjëherë nuk mjafton as vetëm të fitosh, si tregoi rasti Ernesto Valverde: për të dy kampionate, por figurë të keqe në Champions League. E kështu, u shkarkua në vendin e parë. Imagjino tani një trajner që nuk fiton asnjë trofe, si rrezikon të dalë nga ky sezon Setien.
Është e pashmangshme që në titullin e 34 të historisë së Real Madrid, pankina e Quique Setien të mos jetë në rrezik. Ish-tekniku i Betis që erdhi për të përmirësuar shifrat e Valverde, përfundoi me zgjedhje të diskutueshme (si administrimi i Griezmann) e disa përplasje jo shumë të lehta me kampionët e tij, me Messi e Suarez në vijën e parë. Sipas asaj që bën të ditur Goal, deklaratat e teknikut pas ndeshjes së humbur me Osasuna, ndeshja e fundit në Camp Nou në një kampionat të cuar dëm, tregojnë drejtimin që ka marrë historia: “Shpresoj të jem trajner i Barcelonës në Champions League, por nuk e di”.
Duke patur parasysh që luhet pas tre javësh, me Barçan që duhet të mbyllë 1/8 e finales me Napolin, nuk është një sinjal i mirë. Ndërkohë, hija e Xavi zgjatet mbi Camp Nou. Kampioni i botës 2010, aktualisht në Katar, kur luante ishte trajneri në fushë i blaugranave. E me shumë mundësi së shpejti do të jetë edhe në pankinë …