• |
ide | kryesore

Rama: “Janë kriminela”. Si i përndoqi shteti gazetarët në gjendje të jashtëzakonshme

-Instant, Arkiva, Kryesore, Lajme



Nga Geri Emiri/ Birn/ Në orën 23:15 minuta të mbrëmjes së 28 nëntorit – dy ditë pas tërmetit shkatërrimtar që shkundi vendin, Policia e Shtetit trokiti në një banesë në zonën e Bathores në pronësinë e të afërmve të Xhuljana Aliajt –një e re nga Durrësi që punonte si vullnetare.

Sipas të dhënave që BIRN mori nga Prokuroria e Durrësit, oficerët e policisë së Kamzës zbarkuan në banesën ku strehohej 25-vjeçarja me të paktën 5 vetura dhe furgonë.

Pasi u dërgua në rajonin e policisë, Xhuljana mësoi më vonë se ishte arrestuar me akuzën e përhapjes së panikut pas tërmetit, përmes llogarisë së saj në rrjetin social Facebook.

Sipas kërkesës së Prokurorisë së Durrësit, Aliaj akuzohej se kishte bërë që njerëzit të largoheshin nga zona e Porto-Romanos, pasi kishte frikë se ishte dëmtuar hidrovori për shkarkimin e ujërave të kënetës në det dhe mund të shpërthenin depozitat e gazit nëqoftëse binte sërish tërmet.

“Ky postim në total ka marrë 26 pëlqime në forma të ndryshme si “Like” apo “Dislike”,” thuhet në kërkesën e Prokurorisë.

Rasti i Xhuljana Aliajt nuk është i vetëm. Të dhënat e siguruara nga BIRN nëpërmjet kërkesave për të drejtë informimi tregojnë se menjëherë pas tërmetit të 26 nëntorit si dhe gjatë muajve mars dhe prill të pandemisë së COVID-19, Policia e Shtetit, Drejtoria Antiterror dhe anëtarët e një komisioni parlamentar në Kuvend kallëzuan në organin e akuzës një duzinë qytetarësh – pjesa më e madhe e të cilëve gazetarë ose administratorë mediash online, të akuzuar për shpërndarje paniku nëpërmjet publikimit të ‘lajmeve të rreme’.

Edhe pse shumica e këtyre kallëzimeve janë arkivuar tashmë nga Prokuroria, aktivistët për lirinë e shprehjes dhe të drejtat e njeriut i konsiderojnë këto masa disproporcionale, ndërsa theksojnë se rrjedha e ngjarjeve sugjeron se autoritetet po i shfrytëzojnë situatat emergjente për të ndërmarrë veprime që bien ndesh me shtetin e së drejtës.

Panik pas tërmetit

Mëngjesin e 26 nëntorit, pak minuta përpara se ora të shënonte 4, Shqipëria e Mesme u godit nga një tërmet shkatërrimtar më forcë 6.3 ballë në shkallën Rihter, i cili shkaktoi 51 viktima, qindra të plagosur dhe la mijëra vetë të pastrehë.

Goditja fillestare e tërmetit u shoqërua me një valë të gjatë pasgoditjesh që krijuan një situatë paniku në zonat e prekura – në mënyrë te veçantë në qytetin e Durrësit.

Gjatë marrjes në pyetje nga Prokuroria në prani të avokatit, 25-vjeçarja Xhuljana Aliaj shpjegoi se ditën kur ka bërë postimin që do e çonte pas hekurave, ajo ka qenë duke punuar si vullnetare në njësinë administrative që mbulon zonën e Porto Romanos në Durrës për të regjistruar personat e mbetur të pastrehë nga tërmeti.

Nga kontaktet me zyrtarë vendorë dhe persona të prekur nga tërmeti, Aliaj ka dëgjuar se hidrovori i Porto Romanos është krisur. Ky informacion e ka shqetësuar vajzën, familja e së cilës jeton pranë hidrovorit dhe afër zonës së depozitave të naftës në Porto Romano.

“Shpeshhere ne jemi ndjerë të rrezikuar nga prania e tyre afër shtëpive tona,” i ka thënë Aliaj prokurorisë.

Me të dëgjuar informacion për krisjen e hidrovorit, Aliaj ka njoftuar familjen dhe nga frika janë zhvendosur tek të afërmit me banim në Kamëz.

Vullnetarja ka shpjeguar në Prokurori se banorët e Porto Romanos kanë kërkuar shpesh informacion nga autoritetet dhe në internet mbi gjendjen dhe rrezikun që mund të vijë nga depozitat e naftës. Aliaj ka shtuar që nëpërmjet statusit në Facebook – për shkak të të cilit është akuzuar për shpërndarje paniku, ka kërkuar që shteti të japë një përgjigje zyrtare për gjendjen e depozitave “pasi ndjehej e rrezikuar”.

“Nuk kam pasur si qëllim që të përhap panik tek të tjerët dhe që ato të ndihen të pasigurt,” ka deklaruar Aliaj. “Sqaroj se kisha qëllim pozitiv për të njoftuar që edhe persona të tjerë të marrin në konsiderate një rrezik të mundshëm nga këto objekte,” shtoi ajo në deklarim.

Sipas juristes për të drejtat e njeriut, Megi Reçi nga organizata ‘Civil Rights Defenders’, arrestimi  në flagrancë i Xhuljana Aliajt nuk ka qenë proporcional me krimin që ajo akuzohej.

“Pavarësisht se nuk është dhënë dënim me burgim, impakti që ka shkaktuar në shoqëri ngjarja ka efekt intimidues dhe vetë-censurues,” tha Reçi për BIRN.

Sipas Reçit, referimet e policisë kundër gazetarëve dhe qytetarëve për shpërndaje paniku tregojnë standarde të dyfishta.

“Kur zyrtarë të lartë përdorin gjuhë urrejtje, fyerje, komente denigruese ndaj gazetarëve dhe aktivistëve, askush nuk mban përgjegjësi ligjore, ndërsa një qytetare arrestohet menjëherë për përhapje paniku nëpërmjet një statusi që ka marrë 26 pëlqime,” theksoi Reçi.

“Mbetet e diskutueshme se si është vlerësuar impakti madhor i një statusi të tillë, në një moment kur të gjithë qytetarët e Shqipërisë, në veçanti ata të Durrësit dhe Tiranës, ishin duke përjetuar panik të jashtëzakonshëm shkaktuar prej qindra tërmeteve që vijonin njëri pas tjetrit,” shtoi ajo.

“Janë kriminela”

Kryeministri, Edi Rama dhe ekspertë të huaj gjatë inspektimeve pas tërmetit të 26 nëntorit. Foto: LSA

Me anë të kërkesave për të drejtë informimi, BIRN mësoi se Policia e Shtetit referoi për ndjekje penale 5 gazetarë dhe 3 administratorë mediash online, për shkrime lidhur me tërmetet e shtatorit dhe dhjetorit 2019, që sipas saj kishin ngjallur panik si pasojë e shpërndarjes së informatave të rreme.

Njëri prej kallëzimeve, i referuar fillimisht në Prokurorinë e Përgjithshme lidhet me një denoncim të Drejtorisë së Antiterrorit, e cila duket se ka intensifikuar monitorimin e mediave dhe rrjeteve sociale pas tërmetit të 26 nëntorit. Sipas denoncimit, kjo drejtori ka konstatuar se më 2 dhjetor, gjatë një takimi të kryeministrit Edi Rama në zonën e Kënetës në qytetin e Durrësit, një banor ka sjellë një shembull të “keqinformimit nga ana e mediave”.

Në këtë takim të transmetuar “Live” nga ana e televizionit “News 24”, shtetasi Blerim Duro i ka shprehur shqetësimin kryeministrit se si pasojë e lajmit të dhënë pas tërmetit se Spitali i Durrësit ka marrë dëmtime e për pasojë rrezikon të shembet, ky shtetas ka marrë nga spitali babanë e shtruar në gjendje të rëndë për ta shpëtuar nga rreziku, por gjatë transportit me ambulancë drejt Beratit ai kishte ndërruar jetë.

“Janë kriminela, janë kriminela,” e ngushëlloi kryeministri Duron përmes një sulmi të ri për informacionet e mediave.

Me të ndjekur transmetimin “Live” të kryeministrit në ERTV, Antiterrori nisi brenda ditës një kallëzim penal ndaj televizionit informativ “News 24” duke e akuzuar atë për përhapje të informatave që ngjallin panik.

Pak javë më vonë, më 18 dhjetor 2019, teksa gazetarët protestonin jashtë Kuvendit kundër miratimit të paketës ligjore “Anti-shpifje”, kryeministri Rama solli si shembull episodin me shtetasin Blerim Duro për përhapje paniku nga mediat.

Më 26 nëntor ka vdekur një njeri i pafajshëm, ka humbur jetën një baba dhe janë plagosur dhjetëra njerëz, sepse dikush nga ata atje ka nxjerrë lajmin se spitali i Durrësit po shembet,” tha Rama.

Por sipas Prokurorisë, e cila ka vendosur mosfillimin e procedimit penal, nuk pasur shpërndarje paniku nga televizionit News 24, siç pretendon kryeministri. Madje, Prokuroria nënvizon se në kushtet e panikut të përgjithshëm të krijuar nga tërmeti dhe në  situatën e paslëkundjeve, roli i te gjitha mediave ka qenë që të pasqyrojë situatën në terren.

Sipas organit të akuzës, nga ana e televizionit është kryer një transmetim “korrekt” i ngjarjeve dhe nuk ka pasur lajme të cilat mund të përhapnin panik.

Prokuroria thekson se paniku ishte i krijuar nga tërmeti i rëndë që goditi qytetin e  Durrësit dhe njerëzit kishin dalë nga ambientet e banimit dhe shumë prej tyre ishin paraqitur në spitalin e Durrësit për të marrë ndihmë mjekësore.

“Nga të dhënat e marra edhe spitali i Durrësit, tek reparti i urgjencës, reparti i infektivit dhe një pjesë e kirurgjisë ishin dëmtuar nga tërmeti dhe një pjesë e tyre i janë nënshtruar rikonstruktimit më pas,” shprehet Prokuroria.

“Nga televizioni “News 24” nuk dallohen thirrje për panik por vetëm pasqyrim real i situatës së krijuar nga vetë njerëzit, të cilët të alarmuar dhe në panik lëviznin për të garantuar jetën e tyre,” shtoi prokuroria.

Hetimi i Prokurorisë ka zbuluar se shtetasi Blerim Duro – edhe pse nuk kishte parë fare lajme, e kishte nxjerrë “babanë e tij nga spitali për ta dërguar në një vend të sigurt.”

Prokuroria nënvizon se rrethanat e parashtruara në kallëzimin e Drejtorisë së Antiterrorit në Policinë e Shtetit nuk përmbajnë “asnjë fakt” që të tregojë se televizioni “News 24” apo individë të caktuar një ditë pas tërmetit, nëpërmjet këtij informacioni, kanë destabilizuar rendin dhe sigurinë publike në vend.

“Gjithashtu, parë në pozitat që televizioni ndodhet dhe funksionet që kryen, nuk ka asnjë interes për të ngjallur gjendje pasigurie dhe paniku tek njerëzit,” shpjegon Prokuroria, ndërsa shton se “ai është i interesuar të pasqyrojë realitetin.

Sipas Koloreto Cukalit, drejtues i Këshillit Shqiptar të Media –një organ vetërregullues, veprimet e policisë së shtetit ngrenë këmbana alarmi.

“Kjo nuk duhet të jetë fare punë e Policisë së Shtetit,” tha ai. “Asnjë institucion shtetëror nuk mund të ketë filtra të besueshëm dhe të pavarur për të filtruar etikën e raportimit,” theksoi Cukali, ndërsa shtoi se “këtë mund ta bëjnë vetëm organe vetërregulluese.”

Kjo është hakmarrje

Pas tërmetit të 21 shtatorit 2019 me magnitudë 5.8 ballë, 5 gazetarë të medias online “Syri.net” u proceduan nga policia, pasi një ditë më pas botuan një lajm ku paralajmëronin lëkundje të reja ‘të fuqishme” sizmologjike, të cilat shkaktuan shqetësim mes banorëve të Tiranës.

Kryeministri Edi Rama iu përgjigj ashpër ndaj postimit, duke e cilësuar si një ‘fakenews kriminal”.

Me 28 nëntor, Antiterrori dhe Krimi Kibernetik në Policinë e Shtetit procedoi penalisht Erland Dalliun dhe Gentian Çengelin, administratorët e medias online “Jeta Osh Qef” dhe i kërkoi ISP-ve të bllokonin faqen e saj në internet me akuzën se shpërndanin panik nëpërmjet lajmeve të rreme.

Më 11 dhjetor, Policia referoi në Prokurori administratorin e “Nova Media Albania”, i cili akuzohej se përhapi gjithashtu informacione mbi një tërmet që pritej të godiste vendin.

Prokuroria e Tiranës për këtë rast vendosi pezullimin e procedimit penal, por pak muaj më vonë, Nova Media Albania u referua përsëri në prokurori nga policia e shtetit për disa artikuj të shkruar rreth pandemisë së COVID-19.

Arian Asimi, përfaqësues in Nova Media Albania i tha BIRN se ky portal ishte një publikim online i komuniteti shqiptar në SHBA, i cili bazohej te kontribuuesit vullnetarë.

“Ne jemi një media që nuk kemi në fokus të bërit gazetari, por nxitjen e diskutimit publik përmes angazhimit vullnetar,” tha Asimi. “Ne nuk prodhojmë lajme, por i marrim tek të tjerë ose marrim artikuj nga intelektualët,” shtoi ai, duke nënvizuar se fokusi i tyre është tek “podcast”-i përmes platformave të lidhura me internetin.

Asimi i tha BIRN se nuk pasur dijeni për procedimin penal dhe as qëllim të shpërndante panik, ndërsa e lidhi referimin në Prokurori nga Policia e Shtetit me kritikat ndaj qeverisë së kryeministrit Edi Rama.

“Procedimin e kanë bërë sepse ne jemi të hapur dhe shprehemi kundër qeverisë,” tha ai, ndërsa shtoi se “kjo është hakmarrje.”

Referimi kundër Nova Media Albania nuk ka qenë i vetmi gjatë periudhës së distancimit social gjatë pandemisë së COVID-19.  Nga të dhënat që BIRN siguroi nga Prokuroria e Tiranës, në periudhën dy mujore përgjatë pandemisë janë referuar 5 raste, 4 nga Policia dhe 1 nga deputetët e një komisioni parlamentar.

Sipas aktivistëve për të drejtat e njeriut dhe organizatat në mbrojtje të lirisë së medias, referimet e Policisë së Shtetit për përhapje paniku synojnë të krijojnë një klimë frike rreth kritikëve të qeverisë.

“Media dhe shoqëria civile janë kritikët që kanë mbetur, praktikisht bastioni i fundit dhe po sulmohen aktivisht,” tha Megi Reçi nga “Civil Rights Defenders”.

Sipas Koloreto Cukalit, nuk ka një masë matëse se çfarë është përhapja e panikut dhe kjo hap shteg për abuzim nga qeveria.

“E gjithë kjo lë mundësi që targetimi për panik të jetë selektiv kundër një medie ose një gazetari ose një publikimi të caktuar,” tha Cukali, ndërsa shtoi  se ky “mbetet një shqetësim i madh”.



15 Comments

  1. Ligjin antishpifje qe me aq ngulm e ka kerkuar Edvin Escobar D’Rama,ka pasur vetem nje qellim,
    monopolizimin e shpifjeve nga ai,legjitimimin e shpifjeve te tij dhe perkufizimin e kritikave ndaj tij
    si shpifje.Shqiptaret duhet te marrin per te verteta shpifjet e Kryeministrit!Mbi 200 persona
    paguhen nga Kryeministri me Leket e takspaguesve shqiptare per dizinformim,nje terr informativ,
    silazh qe gatuhet ne guzhinen e Gebelsit Endri Fuga dhe botohen automatikisht(pa verifikim) nga
    mediat,duke ja servirur popullit si te verteta.Shplarje truri si ne kohen e fashizmit!
    Edvin Escobar D’Rama meriton karriken elektrike dhe e ka pak,sepse i ka shkaktuar nje dëm
    moral-ekonomik popullit shqiptar, më te madh se sa dëmet qe i kan shkaktuar armiqt e kombit
    tone qe nga koha e pellazgeve.Varferimi ekonomik dhe zvetënimi moral i rraces shqiptare eshte
    qellimi final i Edvin D’Rame

    1. Po pse i referohesh fashizmit o Zigur, edhe mënyra jote e të menduarit ka elemente të shpëlarjes së trurit (pa dashur të të ofendoj), sepse nqs ti ke jetuar në një vend komunist si Shqipëria ka qenë e pamundur të mos jesh bërë pjesë e ndikimit të propaagandës politike të komunistëve.
      Dhe nqs se ka ndonjë vend trushpëlarë në Europë, Shqipëria është e para. ku duket? edhe pse 45 vjet komunizmi e shkatëroi këtë vend dhe e deformoi njeriun, prapë se prapë shqiptarët dhe sidomos “gjasme intelektualët” në shumicë janë të majtë, edhe pse e majta ka nxjerrë vetëm monstra si enveri e edveri.

  2. Spajuni eshte ne genin e Shqiptarit Po te bente pune te ndershme nuk k ishte nevoje per spiuna sot e mot, ky popull miop e ka hak te vuaj brez pas brezi dje, sot dhe neser.

    Por mos e rruni, se Ramavirusi do ju a cpoje pak e nga pak sa per tju a kujtuar.

    Gazetar=Kriminele
    Hajdute me uniform policie = Kriminele
    Kriminele me para dhe pushtet = Kriminel = Socialist Shpellar/Cecen verior-jugor
    Drogmene=Kriminele
    Kriminel = Shqiptar me pushtet, me para, zaptues, pisnesmen.

    Holy Fcuk!

    Bani nai kang per kriminelet o Mumajez dallavaja ta kercejm te lokalet e bllokut ne 13 te notes.
    Yrysh perpara drejt …

  3. Meqe prokuroria ka hapur ceshtje ndaj gazetareve per perhapje paniku, a nuk do duhej te merrte ne hetim edhe kryeministrin qe publikonte video me kufoma ne muajt mars prill? A nuk ishte perhapje paniku ajo fraza er 18 mije te vdekur? A nuk ishte perhapje paniku nxjerrja e ushtrise ne rruge “per t’u perballur me koronavirusin? A nuk ishte perhapje paniku mesazhi qe te vinte ne telefon me zerin e Rames 15 here ne dite? Pse nuk vepron prokuroria per keto raste?
    Pastaj shprehja e Rames “jane kriminele, jane kriminele” ne nje skenar te pergatitur, a nuk perben fyerje publike nepermjet shpifjes? Ku jane kriminelet, ne media apo ne institucionet rilindese?

  4. Por ama, kete te drejte Lulzim Basha e shperdoroi duke djegur mandatet dhe duke mos patur me zen e vendimmarrje dhe institucione. Te drejten per te marre vendime tani e kane opozitaret e rinj, te cilet edhe pse ende nuk jane provuar sa te afte do te jene per t’u votuar, kane sot per sot votat e duhura ne Parlament, jo per zgjedhje te vet, as per zgjedhje te Edi Rames, por per shkak te vendimit qe mori Lulzim Basha per te djegur mandatet e PD. Dhe per kete arsye, Edi Rama nuk mund te injoroje as opoziten e re.

    Atehere, cila eshte zgjidhja? Edi Rama kerkon t’i qendroje besnik marreveshjes me Lulzim Bashen per administrimin dhe mbarevatjen e zgjedhjeve. Njekohesisht, per te mundesuar votimin ne Parlamentin ku Basha vendosi te mos jete i perfaqesuar te kesaj marreveshjeje, Edi Rama negocion me opoziten e re listat e hapura. Dhe keshtu formohet nje “5 qershor” plus.

    1. Opozitarët e rinj ende nuk janë provuar!!!!!, po ata me pak përjashtime një mut janë të gjithë, 80 % tëligjeve i kanë votuar bashkë me rilindjen, si ti që e ke bërë copy këtë fragment nga ndonjë analist edvinist.

  5. Edvin D’Rama paditi Berishen per shpifje,per kollaren,por nuk ka paditur akoma per”shpifje” Gjergji
    Thimon dhe Martin Henze,qe e kan akuzuar per vjedhje ikonash dhe se ka bere burg,nuk ka paditur
    akoma Fatos Lubonjen qe e ka akuzuar publikisht per fallsifikimin e siperfaqes se Teatrit dhe se ka
    genjyer per Leket e fituara ne France(qe deklaroi se kishte ndertuar Vilen ne Surrel),sepse nuk ka
    punuar asnje dite.Akuzes se Ramush Haradinajt per bashkpunim me serbet ne dëm te Kosoves,
    ju pergjigj me nje padi,qe rezultoi se ishte vetem per te bërë zhurme,prandaj edhe e terhoqi padine
    si i dhjere,ashtu si bëri me padine ndaj BILD-it.
    Dorheqja e Kryeministrit maqedonas u bë sepse nuk mbajti vetem nje premtim,ate te mos/hapjes se
    negociatave me BE-n!Maqedonia u penalizua per shkak te Shqiperise.
    Në vitin 2011, Ministria e Brendshme e Maqedonisë kishte vendosur të blejë një makinë të blinduar deri
    më 243 mijë euro. Por,me insistim të ish-kryeministrit Nikolla Gruevski, ministrja Jankullovska kishte
    nënshkruar vendimin për blerjen e një makine tjetër,të pajisur sipas shijeve të Gruevskit, vlera e të cilës
    kishte arritur në mbi gjysmë milioni euro. (500 mije euro Edvin D’Rama dha vetem per te marre pjese
    ne bienalen e Venecias).
    Gjykata e Apelit në Shkup dënoi ish-Kryeministrin e Maqedonisë Nikolla Gruevski me dy vjet burgim,
    me 4 vjet e gjysmë burg është dënuar edhe ndihmës-ministri Punëve të Brendshme Popovski,ndërsa
    një proces i veçantë u zhvillua edhe ndaj ish ministres Gordana Jankullovska.
    Ne çeshtjen Beketi,Gjykata qe penalizoi Qeverine shqiptare,provoi 18 shkelje ligjore.
    Demshperblimi i Françesko Beketit me shumen prej 140 milion Eurosh,per faj te Kryeministrit dhe Erion Velias,por sidomos te Kryeministrit qe ka gjithshka ne dore,eshte 280 here më i madh se sa vlera e Makines
    se Gruevskit,qe i bie se denimi i Rames duhet te jete 560 vjet.Por rasti i Rames ne krahasim me ate te Kryeministrit Gruevski,ka nje ndryshim.Makina qe bleu Kryeministri Maqedonise i mbeti po Shtetit,
    ndersa Leket qe i paguajn takspaguesit shqiptare Françesko Beketit,jan te humbura ne te gjitha format.
    Prandaj denimi nese e rrumbullakosim,duhet te jete 800 vjet,500 vjet Rama dhe 300 vjet Veliaj.

  6. TI JE PEDER BETHQIM TRADHTAR HAJDUT COFTIN GOJ QELBUR QEN SHTAKORR IDIOT BYTHLIPIS KARIN E THITHISH O QEN

    1. Epidemia “rilindase”.Edhe Edvin Escobar D’Rama ka krizë indetiteti!
      Nënshkrimi yt dhe të dhënat e tua personale jan, PEDER BETHQIM TRADHTAR HAJDUT
      COFTIN GOJ QELBUR QEN SHTAKORR IDIOT BYTHLIPIS KARIN E THITHISH QEN
      I meriton,je”rilindas”i vërtetë.
      Ti je aq idjot,sa nuk do të mjaftonin edhe tre jetë që ta kuptosh se je i tillë.
      Nuk je i vetëm,mbi 90% e”rilindasve”jan debila si ty.Edhe Kryerilindasi Edvin Escobar D’Rama
      është gjithashtu i sëmurë psiqik,6 vjet terapi pa përmisim,prandaj edhe filloi përdorimin e
      droges.

    1. Hahahaha……”rilindas”qe e indetifikon veten kari,zagar qe ngjitet si muti pas kepuces!
      Mire qe e pranon vetë!
      “Rilindasit”në krizë indetiteti!Vemje,”njerez”pa dinjitet,pa personalitet, qe kan turp nga vetvetja.

      1. I paemër 16:46,
        këtë punë kan zagarët e”rilindjes” tek “DITA”edhe tek”Tema”,mbrapa si muti ngjitur poshtë këpucës.
        Paguhen për këtë mjeranët.
        Ky ëshë habitati pa personalitet që ka kllonuar drogaxhiu Edvin Escobar D’Rama,habitat qe e ka zhveshur nga çdo vlerë morale,duke e përdorur si mi laboratori.

  7. Sipas të dhënave, Banka Botërore bëri studimin në vitin 2003, kur Lulzim Basha nuk njihej si figurë publike dhe nuk kishte ndonjë rol në PD.

    Pra nuk mund të ndikonte në politikat e saj.

    Por vetë projekti është përfolur herët në politikën shqiptare.

    Në kohën e qeverisjes “Majko” u mbajt edhe një takes, që nuk dihet se ku shkoi.

    Për më tepër, që është Sali Berisha, ai që deklarohet si autori dhe promotori i “Rrugës së Kombit”.

    Dhe rruga u ndërtua kur ishte ai kryeministër, edhe pse me një kosto jashtëzakonisht të lartë, pasojat e së cilit i vuajmë ende sot e kësaj dite, duke qenë se rruga nuk është përfunduar ende plotësisht.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *