• |
ide | kryesore

Gjiknuri-opozitës: Refuzuat të diskutonit për hapjen e listave. Hiqni dorë nga paralajmërimet kërcënuese

-Instant, Arkiva, Lajme, Të fundit



Pas emailit që përfaqësuesit e opozitës bashkuar, Oerd Bylykbashi nga PD dhe Petrit Vasili nga LSI i dërguar Damian Gjiknurit, nga maxhoranca, vjen përgjigja nga ky i fundit.

Përmes një deklarate, Gjiknuri thekson se ndryshimet kushtetuese në procedurën parlamentare janë të pandryshueshme si të tilla, ndërsa shton se: “nuk kam asnjë problem ta diskutojmë nëse qëndron apo jo qoftë edhe si fakt i shkruar e zeza mbi të bardhë”. Po ashtu ai thekson se nga reagimi i Bylykbashit dhe Vasilit, duket se opozita ka ndryshuar qëndrim për listat e hapura, ndërsa iu bën thirrje që të heqin dorë nga paralajmërimet kërcënuese.

E-MAILI I GJIKNURIT
Të nderuar z.Bylykbashi dhe z.Vasili,
E kuptoj nevojën tuaj të motivuar politikisht për të nisur letra pune në formë deklaratash politike për qëllime mediatike. Por unë nuk kam dizinformuar askënd dhe thjesht kam thënë të vërtetën e mbledhjes si gjithmonë. Takime që siç i gjithë opinioni publik e di, bëhen me rekorde dhe nën vëzhgimin nga afër të partnerëve tanë ndërkombëtarë.

Më lejoni të ju rikujtoj se në mbledhjen e datës 21 Korrik, Kryetari i Partisë Socialiste z.Edi Rama ju ftoi të jepni kontributin tuaj në funksion të përshtatjes së ligjit elektoral me nismën e opozitës parlamentare për hapjen e listave zgjedhore, nismë tashmë e miratuar në Këshillin e Rregullores dhe Komisionin Parlamentar për Çështjet Ligjore, Administratën Publike dhe të Drejtat e Njeriut.
Z.Rama ju ftoi që të shtroni çdo pikëpyetje tuajën, të diskutoni çdo merak dhe të dakordësohemi për sa i takon korrektimeve që nevojitet të bëhen në ligjin elektoral për të reflektuar sanksionimin e hapjes së listave zgjedhore.
Qëndrimi juaj ishte kategorik dhe refuzues për të diskutuar mbi këtë çështje pa u miratuar paraprakisht amendamentet e ligjit elektoral bazuar mbi produktin e marrëveshjes politike të 5 Qershorit.

Jo më larg se dje keni refuzuar të vini në Këshillin Politik, pikërisht sepse siç e keni shprehur edhe publikisht nuk donit të diskutonit për temën e ndryshimeve kushtetuese, që sipas jush jo thjesht cënon marrëveshjen por as nuk ekziston si temë. Edhe thënia që në mesazhin tuaj i vini në gojë Kryeministrit, nuk ka aspak kuptimin që ju qëllimisht i mvishni në komentin tuaj. Besoj ju e dini se ndryshimet kushtetuese në procedurën parlamentare janë të pandryshueshme si të tilla, çka sidoqoftë nuk kam asnjë problem ta diskutojmë nëse qëndron apo jo qoftë edhe si fakt i shkruar e zeza mbi të bardhë.
Ditën e sotme, Kuvendi i Shqipërisë miratoi pa asnjë ndryshim projektligjin e amendimeve në ligjin zgjedhor. Në mbledhjen e sotme të Këshillit Politik ju kërkova të shpreheni nëse jeni dakord të diskutoni mbi këtë çështje. Ju refuzuat që të diskutoni duke mos njohur dhe injoruar nismën e 28 deputetëve të opozitës parlamentare dhe gjithë procedurat e ndjekura nga një organ plotësisht legjitim si Kuvendi i Shqipërisë.

Nga emaili juaj i fundit, nënkuptohet se keni reflektuar dhe keni ndryshuar qëndrim ndërsa shpreheni të gatshëm të jepni kontributin tuaj për reflektimin në ligj elektoral të sanksionimit kushtetues për hapjen e listave.
Duke e përshëndetur këtë reflektim tuajin nëse është i tillë, ju kërkoj që të dërgoni paraprakisht propozimet tuaja në funksion të reflektimit në ligjin elektoral të hapjes së listave që sanksionohet nga ndryshimi kushtetues.
Duke ju rikujtuar se në datën 30 Korrik, Kuvendi voton amendamentin kushtetues që hap listat, ju shpreh gatishmërinë e mazhorancës për tu ulur në tryezë sapo ju të keni dërguar paraprakisht propozimet që do ti bëni Këshillit për këtë çështje.

Në fund, do të ju lutesha shumë që t’i lini mënjanë paragjykimet dhe opinionet propagandistike. Vërtetë ju mungon foltorja e Parlamentit prej ku u larguat me vullnetin tuaj të lirë, por e-mailet e punës dhe tryeza e punës së Këshillit nuk janë mjete propagandistike. Gjithashtu, do ju lutesha të hiqni dorë nga paralajmërimet kërcënuese në komunikimet elektronike sepse e bëjnë qesharake tryezën e punës sonë të përbashkët dhe dëmtojnë qëllimin e saj.
Në funksion të konfirmimit të mbledhjes së rradhës së Këshillit, ju lutem edhe njëherë sa më shpejt të na vini në dispozicion paraprakisht propozimet tuaja.
Faleminderit
Damian Gjiknuri



5 Comments

  1. Bravo Gjinkur. Je njesh. Q….nenen ketyre te opozites se e kane hak perderisa pranojne te ulen me

    ty ne diskutime.

  2. Që prej ardhjes së Edi Ramës në pushtet, akuza e përditshme e opozitës, me Lulzim Bashën e Sali Berishën në krye, është se ai e ka zhytur vendin në varfëri.

    Por, ndërsa populli vuan nga çmimet e larta dhe mos-rritja e pagave, çuditërisht nuk ndodh e njëjta gjë me opozitën.

    Shikoni lajmet e dy ditëve të fundit, për të kuptuar këtë gjë.

    Lajmi Nr.1: Gjin Gjoni, pasanik dhe një prej fytyrave të konsideruara si simbol i korrupsionit, propozohet bashkë me të vëllanë, për të qenë deputet i PD-së.

    Pra, Gjoni do ta na nxjerrë nga varfëria.

    Lajmi Nr.2: Shkëlzen Berisha merr kredi 1.8 milionë euro.

    Nuk po flasim për dyshimet që qendrojnë prapa kësaj kredie, por të marrësh një kredi të tillë, duke qenë person fizik, jo biznes i madh, duhet të kesh shumë para.

    Dhe këto para, Shkëlzen Berisha i ka bërë vetëm duke qenë djali i Sali Berishës, pasi në jetën e vet, nuk i ka thënë askush ndonjëherë, “puna e mbarë”.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *