Modelja Hailey Bieber ka folur së fundmi rreth famës që ka bashkëshorti i saj, këngëtari Justin Bieber.
Edhe pse Hailey vjen nga një familje e famshme ajo është shprehur për revistën “Vogue” në Indi se Justin ka patur famë që në moshë të vogël dhe më intensive se ajo. “Të jem e sinqertë nuk e mendoja veten atëherë të famshme. Sigurisht, e dija që babi im ishte një aktor i njohur, por nëse do të krahasoja mënyrën sesi jam rritur unë dhe sesi është rritur Justin, ai ka patur një popullaritet, famë tepër të madhe në adoleshencë krahasuar me mua.” Hailey u rrit në Arizonë dhe ndryshe nga personazhet e tjerë të njohur lëvizi shumë vonë drejt Los Angeles. Ajo tregoi gjithashtu se famën e vërtetë e ndjeu të vinte shumë vonë, pas marëdhënies së saj me Justin.