Është gjashtë vjec, tifoz me Barcelonën e ka tashmë 4,1 milionë ndjekës në Instagram. Nuk është shaka, por historia e iranianit Arat Hosseini, i mbiquajtur “Messi i vogël”. Këtë herë vogëlushi nuk ka pridhuar lajm duke treguar aftësitë e tij të jashtëzakonshme futbollistike në rrjetet sociale, apo për demostrimin e addominaleve si Cristiano Ronaldo, por për dicka që mund të jetë shumë e rëndësishme për të ardhmen e tij sportive. Po, sepse Arat po stërvitet në Liverpool Academy në Angli.
Liverpool’s Iranian wonder kid – Arat Hosseini pic.twitter.com/KAEGoiYRDK
— ?????? (@okesty2000) August 16, 2020
Kur vitin e kaluar familja vendosi të largohet nga Irani për tu transferuar në Merseyside, Erfan, babai 45 vjecar i Hosseini, tregonte se kishte shumë besim tek i biri. “Askush nuk është si Arat: është një dhuratë speciale e Zotit. Jam kaq krenar për të sepse është një fëmijë që do të bëhet krenaria e popullit iranian”, tha ai në atë kohë.
Wonder kid ….nobody can explain … pic.twitter.com/UsTR5KeAs5
— Vijay R Bharadwaj (@VijayRBharadwa1) August 16, 2020
Nga ana e tij, Arat është shumë entuziast për një të ardhme të madhe në futboll: “Dua të jem futbollisti më i mirë në botë, edhe më i mirë se Messi e Cristiano Ronaldo. Dua ti thyej të gjithë rekordet e tyre”. Ambicja nuk i mungon, ndërkohë, iraniani, sipas Daily Star, është stërvitur fort që në moshën 1 vjecare për të arritur rezultatet e fizikun që ka sot. E gjithë cështja është nëse gjashtëvjecari më i fortë në botë me potencialin për tu bërë një yll, do të arrijë të bëhet vërtetë një yll!? Në Liverpool duken të bindur se po…