Covid-19 vazhdon të trondisë kampionatin maroken. Të hënën, ndërsa mes dy divizioneve të para është kapërcyer shifra e 100 të infektuarve, Federata ka njoftuar shtyrjen e katër ndeshjeve të javës së 25. Të paktën 12 klube kanë të paktën nga një rast pozitiv. Doi të shtyhet kështu edhe derby i Casablanca mes Wydad e Raja, që duhej të luhej sot.
Ndërsa Maroku po përballet me një valë të frikshme të rasteve të koronavirus, Federata e Liga kanë vendosur të fusin klubet në një qendër izolimi. Pikërisht dje e përditshmja Al Akhbar ka sinjalizuar se kufiri simbolik i 100 futbollistëve të infektuar është kapërcyer, duke llogaritur dy divizionet e para e nivelet amatore: 12 nga 16 klubet e elitës, për shembull, kanë të paktën nga një rast pozitiviteti.
Në këtë kontekst, Federata ka lajmëruar një valë të re shtyrjesh, me 4 ndeshje të javës së 25 të Botola Pro, divizioni më i rëndësishëm marokene, të shtyra për një datë të mëpasshme: Renaissance Berkane (RSB) -AS FAR Ittihad Tanger (IRT); Renaissance de Zemamra (RCAZ); Rapide Oued Zem (RCOZ) -Hassania Agadir (HUSA) e mbi të gjitha derbi mes Wydad Casablanca (WAC) e Raja Casablanca (RCA). Në garën për titull, Raja është në krye të klasifikimit me 5 pikë avantazh ndaj Wydad që ka një ndeshje më pak të luajtur.