Aktori turk Ozcan Deniz , po kalon një periudhë jo të mirë për shkak të problemeve me ish-bashkëshorten e tij Feyza Aktan.
Çifti i dhanë fund martesës së tyre vitin e kaluar . Tani situata është përkeqësuar sërish mes tyre dhe mediat turke shkruajnë se Feyza i ka kërkuar aktorit të martohen sërish ose ta dëmshpërblejë me 15 milion lira turke. “Le të martohemi sërish ose më jep dëmshpërblim 15 milion lira turke”- mësohet t’i ketë thënë ajo aktorit. Thuhet se arsyeja e divorcit të çiftit ka qenë xhelozia e Feyzas ndaj aktores Asli Enver me të cilën Ozcan Deniz ka luajtur në serialin “Nusja nga Stambolli”.