Behgjet Pacolli i është kundërpërgjigjur kryetares së Kuvendit të Kosovës Vjosa Osmani pas deklaratës së saj për marrëveshjen me Serbinë, duke i ka sugjeruar asaj që t’i lërë inatet politike.
Lexo më tej: Vjosa Osmani: Çdo marrëveshje me Serbinë duhet të kalojë në Kuvendin e Kosovës
Në Facebook, kreu i AKR Pacolli thekson se nga qëndrimet e Osmanit, duket se kjo e fundit nuk e do marrëveshjen.
“Këtë herë po i drejtohem Kryetares së Kuvendit, Znj. Vjosa Osmani, Kryetare, sa herë që jeni deklaruar (shpesh ka ndodhur) në një veprim të Kryeministrit Hoti (i cili në të vërtetë konsiderohej si një hap drejt një marrëveshje me Serbinë), ju keni thënë; “Marrëveshja duhet të kalojë në kuvend”.
Kjo duket sikur se ju nuk e doni këtë marrëveshje. Deklaratat e juaja duken si kërcënim se ajo marrëveshje nuk do të kalojë në kuvend. Po tingëllon kështu, Kryetare. Po tingëllon kështu… por edhe si duket, Ju po betoheni që kjo marrëveshje nuk do të kaloj në Kuvend.
Kryetare, mendoni pozitivisht!! Leni anash inatet politike! Kosova nuk mundet më kështu! Kosovës i nevojitet marrëveshja!! Pozicioni juaj (në përgjithësi) është i ndryshëm nga ai i popullatës së Kosovës e cila sot vuan nga varfëria, papunësia, privimi i lëvizjes së lirë, getoizimi i vendit, etj që varen ekskluzivisht nga paqësimi në rajon”, ka shkruar Pacolli.
Paca eshte kryesori ne pergatitjen e çorbes qe pritet te firmoset prandaj ben shantazh.
Shiko kur te ta organizohen komentuesit me pages te rrjeteve sociale dhe te fillojne ta shajne kete Pacollin si tradhetar i kombit