Rritet alarmi koronavirus në kampin e Psg. Pas infektimit të Neymar, Angel Di Maria e Leandro Paredes, tre lojtarë të tjerë të Tuchel kanë rezultuar pozitivë në testet e kryera në prag të rifillimit të sezonit. Sipas asaj që bën të ditur l’Equipe, bëhet fjalë për Mauro Icardi, Marquinhos e Keylor Navas. Shkon kështu në gjashtë numri i rasteve në klubin parisien, që duhet të monitorojë tashmë me shumë kujdes situatën e të ndjekë protokollin. Të gjithë lojtarët pozitivë gjenden në izolim.
Sipas gazetës franceze, disa nga lojtarët e Psg pozitivë me Covid-19 kanë kaluar pushimet së bashku në Ibiza. Negativ ndaj testit ka rezultuar Marco Verratti, edhe ai ka qenë bashkë me grupin, por e ka kaluar më parë virusin.
Les derniers tests PCR SarsCoV2 réalisés au sein de l’effectif du Paris Saint-Germain confirment le résultat de trois nouveaux cas positifs. Ces joueurs suivent le protocole sanitaire approprié.
— Paris Saint-Germain (@PSG_inside) September 3, 2020