• |
ide | kryesore

Takimi në Shtëpinë e Bardhë, tension tek delegacioni i Kosovës, Haradinaj kundër nënshkrimit të marrëveshjes, SHBA kërcënon me sanksione ndaj tij

-Instant, Arkiva, Lajme, Të fundit



Pak orë para se të nënshkruhet marrëveshja mes Kosovës dhe Serbisë në Shtëpinë e Bardhë, Gazeta Express mëson se ka tensione në kampin kosovar. Ramush Haradinaj dëshiron që të refuzohet marrëveshja, amerikanët paralajmërojnë sanksione ndaj tij.

Në Shtëpinë e Bardhë, nën survejimin e presidentit amerikan Donald Trump, sot pritet të nënshkruhet një marrëveshje mes Kosovës dhe Serbisë. Kur kanë mbetur rreth tri orë deri te takimi i Trumpit me kryeminisitrin Hoti (dhe presidentin serb, Aleksander Vuçiq), brenda delegacionit të Kosovës në Uashington, që po kryesohet nga kryeministri Avdullah Hoti ka tensione.

Gazeta Express mëson se kreu i AAK’së, Ramush Haradinaj, që është pjesë e koalicionit Qeverisë, po bën presion te kryeministri Hoti, që të mos e nënshkruajë marrëveshjen.

Marrëveshja, për të cilën janë tashmë janë dakorduar palët, sipas Haradinajt nuk duhet të nënshkruhet.

Amerikanët ndërkaq kanë paralajmëruar se kushdo që del kundër kësaj marrëveshjeje, do të ketë Shtetet e Bashkuara të Amerikës kundër vetes.

Ndërkaq kryeministri Hoti është i gatshëm të nënshkruaj marrëveshjen, për të cilën janë dakorduar në bisedimet e djeshme, që poashtu janë kryer në Shtëpinë e Bardhë.

Në takimet e djeshme, nga AAK’ja si pjesë e Qeverisë ka marrë pjesë ministri i Drejtësisë, Selim Selimi. Pjesë e delegacionit kosovar në Uashington është edhe kryediplomatja Meliza Haradinaj, që po ashtu përfaqëson edhe AAK’në. Ekskluzive: Tensione në delegacionin e Kosovës, nëse Haradinaj nuk e pranon marrëveshjen, Amerika i del kundër atij

Ndryshe, sot llogaritet të jetë e premte e madhe për Kosovën dhe Serbinë. Shtëpia e Bardhë ka njoftuar se Presidenti Trump do të marrë pjesë në nënshkrimin e marrëveshjes, e më pas do të takojë bashkë Vuçiqin e Hotin, si përfaqësues të dy shteteve.

Emisari i Trumpit për dialogun Kosovë – Serbi, Richard Grenell, ka thënë ka shkruar në Twitter se e djeshmja ka qenë ditë produktive dhe se është optimist për zhvillimet që do të ndodhin sot.

Kryeministri Hoti ka thënë dje pas diskutimeve që quan në dakordime, se nga Shtëpia e Bardhë nuk do të dalë një marrëveshje e keqe apo e dëmshme për Kosovën.

Marrëveshja Kosovë – Serbi prietet të nënshkruhet në orën 11:05, sipas kohës lokale në Uashington, që i bie të jetë ora 5 pasdite në Kosovë./ Express



6 Comments

  1. Haradinaj eshte kujtuar vone. Per marveshjen qe pritet te firmoset dhe qe ai e kundershton eshte rene dakort ne fshetesi te plote para gati 2 vitesh midis hashimit dhe aleksandrit. Sigurisht eshte ne dem te kosoves si ne planin afatshkurter ashtu dhe afatgjate. Nepermjet kesaj marrveshje ekonomike serbia do kthehej ndikimin e dikurshem ekonomik e kulturor ne kosove. Ndersa nga ana tjeter shba do bej investime strategjike ne serbi perfshire dhe nje baze ushtarake amerikane atje me qellim ta largoj nga ndikimi rus.

  2. BASHKOHUNI ME SERBINE SE DO T’JU BJERE ME MIRE SE GJITH KY PRESION MBI KOSOVEN GJITH KTO VITE KTE QELLIM KA PAS

  3. Mafia dhe korrupsioni kanë shkuar në majë, tek kryeministri dhe djali i tij”: Berishëve iu “ngarkojnë” dhe vrasjen e Trebickës në SHBA

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *