• |
ide | kryesore

Situata politike në Shqipëri, VOA: E vetmja gjë e sigurt është data e zgjedhjeve

-Instant, Arkiva, Lajme, Të fundit



Presidenti i Shqipërisë, Ilir Meta, dekretoi sot pothuaj 8 muaj përpara mbajtjen e zgjedhjeve të përgjithshme parlamentare pas një serie konsultimesh formale me partitë politike.

Presidenti Meta dekretoi që zgjedhjet për Kuvendin të mbahen më 25 prillin e ardhshëm në valën e një krize të thellë politike, që ka përfshirë vendin pas braktisjes së parlamentit nga opozita 20 muaj më parë.

Kryetari i Partisë Demokratike, Lulzim Basha, deklaroi tre ditë më parë, pasi doli nga bisedimet me presidentin Meta se vendi ka nevojë të ngutshme për zgjedhje të lira dhe të ndershme.

‘Shqiptarët kërkojnë zgjedhje sot, jo nesër. Ata duan zgjidhje sepse janë të lodhur nga propaganda, nga dështimet dhe mashtrimet’ – tha zoti Basha.

Kryeministri Edi Rama ka thënë në forumet politike se ‘Partia Socialiste synon një mandat të tretë si alternativa më e mirë qeverisëse e Shqipërisë’.

Data e zgjedhjeve u dekretua, por reforma zgjedhore nuk është përmbyllur ende as në letër as në zbatimin konkret.

Si marrëveshja e qershorit ashtu edhe ndryshimet kushtetuese të korrikut kërkojnë një seri ndryshimesh në Kodin Zgjedhor dhe dhe në administratën zgjedhore.

Tensionet politike në Tiranë kanë arritur deri në atë pikë sa Fletorja Zyrtare nuk botoi një dekret të presidentit për zhvillimin e zgjedhjeve në tetorin e 2019.

KQZ dhe shumica socialiste i zhvilluan ato më 30 qershor, ndonëse rivalja kryesore, Partia Demokratike, i bojkotoi ato dhe nuk mori pjesë në zgjedhjet vendore.

Komisioni Zgjedhor duhet rindërtuar krejtësisht nga e para, dhe ende nuk kanë nisur një mori përgatitjesh të tjera, që kanë të bëjnë me administrimin elektronik të procesit zgjedhor.

Djegia e afateve ligjore dhe shtyrja e përgatitjeve dhe marrëveshjeve politike deri në ditët e fundit, hapja e fushatave elektorale shumë herët, si dhe mosnjohja e rezultateve zgjedhore janë pjesë e traditës problematike të politikës shqiptare, dhe i vetmi element i sigurtë deri tani është vetëm data e dekretuar e zgjedhjeve./VOA



3 Comments

  1. E vetmja gjë e sigurt është data e tepsise se byrekut me m*, qe mezi po e presin. Tani behet gati bagetia, dhe ne rresht per nje, me farefis e soj, votojne per barinjte e staneve.

  2. 25 Prill 2021, eshte dita kur shqiptaret do te varrosin pergjithemone, banden sorosiane te RIVDEKJES, nuk ka te keqe me te madhe, nuk ka krijesa me te ndyra, nuk ka armiq me te poshter se bastardi edvin kristaqi dhe banda e RIDHJEREJES, nuk shtrohet pyetja se kush do te vij, le te vije kush te doje, rendesi ka qe te zhduken njehere e pergjithmone nga Shqiperia kriminele edvin kristaqi dhe banda sorosiane e RIVDEKJEJ.
    Kushdo qe te vij ne pushtet, morre edhe Hitleri apo Sllobodani, po te ngrihen nga varri, nuk do t’i shkaktojne Shqiperise dhe shqiptareve kaq vuajtje dhe menxyra, presim me padurim 25 Prillin, te tjerat pas kesaj date, asgje s’te fal shqiptari, asgje nuk harrohet, kriminelet e RIVDEKJES do te behen shembull, ketu do te jemi!

    1. Me bashen salianin,griden seksi ,budallain e fahri balliutspahine we djeg shkolla,noken bodigard,vokshin eneveritsme nuk eshte problem fitorka e rames

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *