I ngrysur në fytyrë e pa dhuruar asnjë buzëqeshje, Lionel Messi ka mbërritur në Ciutat Esportiva të Sant Joan Despí në orën 15:57, i nisur nga shtëpia e tij në Castelldefels. I rrethuar nga shumë telekamera e fotografë që e prisnin, për të ndjekur stërvitjen e parë të argjentinasit, pas intervistës së tre ditëve më parë ku Pleshti kishte lajmëruar se do të qendronte tek Barcelona. Numri 10 blaugrana ishte i pari ndër lojtarët që mbërriti në qendrën sportive për seancën stërvitore.
