Në kuadër të operacionit policor të koduar “Lapraka” është arrestuar një shtetas me inicialet O. N., 24 vjeç, lindur në Gjermani dhe banues në Tiranë. Shtetasi O.N ka rënë në prangat e policisë pasi akuzohet për shpërndarje të lëndëve narkotike. Nga njoftimi i policisë është bërë me dije se janë proceduar në gjendje të lirë edhe dy shtetasit me inicialet R. L. dhe E. Sh.
Nga Seksioni për Hetimin e Narkotikëve ka dalë informacioni se shtetasi O. N. merrej me shpërndarje të lëndës narkotike të llojit kanabis në zonën e Laprakës. Gjatë kontrollit të zonës ku qëndronte, Policia gjeti dhe sekuestroi 169.4 gramë lëndë të dyshuar kanabis e ndarë në doza gati për shitje si dhe 3 aparate celular.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore.