• |
ide | kryesore

“Tërmeti vërtet ka rënë në shtëpi, por na ka rënë dhe në tru”. Qytetari në Durrës 9 muaj pa shtëpi

-Instant, Arkiva, Lajme, Të fundit

Banorët e Durrësit provuan një nga fatkeqësitë natyrore më të këqija, siç ishte tërmeti i 26 nëntorit 2019. 9 muaj nga ajo fatkeqësi, në vend që t’i gjente me shtëpi të rregulluara, ata thonë se akoma po enden dyerve të institucioneve shtetërore për të gjetur zgjidhje për banesat.


Në ankthin e afrimit të dimrit tjetër, banori Sadik Resnjaku thotë se ka shkuar disa herë tek bashkia për të mësuar se çfarë do të bëhet me shtëpinë e tij, por që nuk merr asnjë përgjigje.


Kryetari i degës së Partisë Demokratike në Durrës, Ferdinand Xhaferraj u njoh nga afër me shqetësimin e Sadik Resnjakut të cilit shtëpia i është shkatërruar dhe ai bashkë më gruan dhe nusen e djalit me fëmijë të vogël, është i detyruar të lëvizë nga një shtëpi me qera tek tjetra, pavarësisht moshës që ka.

Sadik Resnjaku: Që nga 26 Nentori e deri sot janë bërë 9 muaj. Dua të di, kur do fillojnë punimet se më vonë vjen dimër, jo nuk punohet se kohë e keqe, më the të thashë.

U bëmë 9 muaj! Ngelëm me lecka në krah. Me qira duke ndërruar shtëpitë.

Do bëhet, do bëhet, thotë bashkia.

Kemi shkuar disa herë por të vihet pika mbi i, kur do fillojnë punimet. Se tërmeti vërtet ka rënë në shtëpi dhe falenderoj zotin që nuk na mori jetën, e kupton apo jo. Po na ka rënë dhe në tru!

Nga ana psikike s’jemi në rregull hiç. Me pleq e me fëmijë të vogël. Gjatë verës që dalin milingonat në rrugë, për sytë e ballit nuk ju rrej, unë i kapërcej se edhe ato kanë shpirt, janë milingona. Ne as sa milingonat nuk konsiderohemi, qënia njerëzore. Kemi punuar një jetë të tërë. Kërkoj me insistim, bashkia të vihet në lëvizje t’i japi drejtim kësaj pune!

1 Comment

  1. Sot e kesaj dite nuk asnje hetim per lejet e ndertimit te pallateve qe u shkaterruan nga termeti. provat jane fshehur nga Dako &Rama.. Tani keta duan t’ju rindertohen shtepite..nderkohe qe nuk ka asnje denoncim..pa drejtesi nuk ka paqe, e pa paqe nuk ka rindertim te plote

Lini një Përgjigje

Adresa juaj email s’do të bëhet publike.

Kthehu