• |
ide | kryesore

Vrasja në Bllok, Prokuroria merr të pandehur Ervis Martinajn për 4 akuza

Arkiva, Lajme, Të fundit



Prokuroria ka përfunduar hetimet për vrasjen në ish-Bllok, ngjarje kjo e ndodhur në tetor 2018, ku një person humbi jetën dhe dy të tjerë mbetën të plagosur. I përfshirë në këtë ngjarje, biznesmeni Ervis Martinaj do të merret i pandehur për katër vepra penale.

Kështu, Martinaj akuzohet për “Krijim kushtesh për të kryer vrasjen”, “Fshehje e të ardhurave”, “Falsifikim pasaportash”. Martinaj akuzohet edhe “për organizim të palejuar të lojërave të fatit”.

Dosja brenda 10 ditësh shkon në gjykatë ku do të vendoset edhe fati i Martinajt, një personazh ky mjaft i njohur për drejtësinë, pasi është akuzuar edhe për vrasjen në Linzë, disa vite më parë.

Kujtojmë se në ngjarjen e 4 tetorit 2018 në ish-Bllok, nga shkëmbimi i zjarrit mbeti i vrarë Fabian Gaxhaj. Përplasja me armë ndodhi mes grupit të Ervis Martinajt dhe atij të Ervin Matës. Komandoja Mervjol Bilo hapi zjarr duke vrarë Gaxhën, truprojën e Ervis Martinajt, plagosi këtë të fundit dhe kushëririn e tij, Eljo Hato.

Mervjol Bilo vijon të jetë në kërkim nga policia, ndërsa Ervin Mata është liruar nga akuzat.



2 Comments

  1. Ervin Mata eshte liruar sepse babi eshte shok me ramen
    Edhe hajde denoje ervis Martinajn. Pra dhe ervis do dale, te gjithe rrugeve , presim dhe dritan Dajtin

    Po ai Redi Popescu ishte i papare me ate emer. elbansalli nga Bukureshti 😀

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *