Drejtoresha e kopshtit nr.13 në Elbasan është infektuar me Covid-19. I gjithë stafi i këtij kopshti është karantinuar deri në marrjen e tamponëve. Askush nga personeli nuk ka shfaqur simptoma dhe mësohet se drejtoresha nuk ka frekuentuar ambientet e kopshtit prej disa ditësh.
Ky kopsht ka rreth 100 fëmijë dhe një staf prej 11 edukatoresh dhe ndodhet ngjitur me një çerdhe dhe shkollën e muzikës në qendër të qytetit. Qyteti i Elbasanit ka aktualisht 232 raste aktive, ndërsa 21 persona kanë humbur jetën nga koronavirusi.