Ivan Perisic nuk i ka mjaftuar të arrinte Tripletën për tu blerë me titull përfundimtar nga Bayern Mynih: pas Bundesligës, Kupës së Gjermanisë e Champions League, anësori kroat është rikthyer tek Inter në pritje të rifitojë besimin e zikaltërve ose të niset për në një destinacion të ri. Perisic ka dashur të përshëndesë bavarezët me një postim me shije historike: “Veni, vidi, vici” (Erdha, pashë, fitova) si Jul Cezari në betejën në Zela kundër Farnace II del Ponto.
Një përshëndetje të tillë ironike e ka bërë më parë Zlatan Ibraimovic, kur nëntorin e kaluar, vendosi të largohet nga Los Angeles Galaxy me një mesazh që fillonte me të njëjtat fjalë, ndonëse në anglisht.
I came, I saw, I conquered. Thank you @lagalaxy for making me feel alive again. To the Galaxy fans – you wanted Zlatan, I gave you Zlatan. You are welcome. The story continues…Now go back to watch baseball pic.twitter.com/kkL6B6dJBr
— Zlatan Ibrahimović (@Ibra_official) November 13, 2019